കഞ്ചിക്കോട് മസ്ജിദ് കേന്ദ്രീകരിച്ച് ഭണ്ഡാര മോഷണം; മോഷ്ടിച്ച പണം ഉപയോഗിച്ച് ആഡംബര ജീവിതം; പ്രതി പോലീസ് പിടിയിൽ
സ്വന്തം ലേഖിക
കഞ്ചിക്കോട്: കഞ്ചിക്കോട് ചടയൻകാലായി സുന്നി ജുമാ മസ്ജിദ് ഭണ്ഡാര മോഷണക്കേസിലെ പ്രതിയെ കസബ പോലീസ് അറസ്റ്റ് ചെയ്തു.
സുൽത്താൻ ബത്തേരി മൂർക്കൻ വീട്ടിൽ സിദ്ദീഖ് മകൻ ഷംസാദ് ( 34) ആണ് അറസ്റ്റിലായത്. സിസിടിവി കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് പ്രതിയെ തിരിച്ചറിഞ്ഞത്.
Whatsapp Group 1 | Whatsapp Group 2 |Telegram Group
പ്രതി വിവിധ മോഷണ കേസുകളിൽ ഉൾപ്പെട്ട് നിരവധി തവണ ജയിൽ ശിക്ഷ അനുഭവിച്ചിട്ടുണ്ട്. നിലവിൽ തമിഴ്നാട് വേദസന്തൂർ പോലീസ് സ്റ്റേഷനിൽ സമാന രീതിലുള്ള കേസ്സിൽ ദിണ്ടിഗൽ ജില്ലാ ജയിലിൽ റിമാൻ്റിലാണ്. വിശദമായ ചോദ്യം ചെയ്യലിൽ പ്രതി കുറ്റം സമ്മതിച്ചു.
മുസ്ലീം പള്ളികളിൽ മാത്രമേ പ്രതി മോഷണം നടത്തിയിട്ടുള്ളു. മോഷണത്തിലൂടെ ലഭിക്കുന്ന പണം വെച്ചാണ് പ്രതി ആഡംബര ജീവിതം നയിച്ചിരുന്നത്.
പാലക്കാട് ജില്ലാ പോലീസ് മേധാവി ആർ വിശ്വനാഥ്, പാലക്കാട് എ എസ് പി ഷാഹുൽ ഹമീദ് എ എന്നിവരുടെ നിർദ്ദേശപ്രകാരം, കസബ പോലീസ് ഇൻസ്പെക്ടർ രാജീവ് എൻ എസിൻ്റെ നേതൃത്വത്തിൽ സബ് ഇൻസ്പെക്ടർ അനീഷ് എസ് സിവിൽ പോലീസ് ഓഫീസർ സുനിൽ എന്നിവരടങ്ങുന്ന സംഘമാണ് പ്രതിയെ പിടികൂടിയത്.