വായ്നാറ്റം അകറ്റാൻ ശ്രദ്ധിക്കേണ്ട കാര്യങ്ങള് എന്തൊക്കെയാണെന്ന് നോക്കാം..
ഒന്ന്…
ദന്തശുചിത്വം ഉറപ്പുവരുത്തുക എന്നതാണ് വായ്നാറ്റം അകറ്റാന് പ്രധാനമായി ചെയ്യേണ്ടത്.
Whatsapp Group 1 | Whatsapp Group 2 |Telegram Group
ദിവസവും രണ്ടു നേരവും നന്നായി ബ്രഷ് ചെയ്യുക. പലർക്കും രാത്രി പല്ല് തേയ്ക്കാൻ മടിയാണ്. രാത്രി കഴിക്കുന്ന ഭക്ഷണത്തിന്റെ അവശിഷ്ടങ്ങള് നീക്കം ചെയ്യാതെ വരികയും അവ പല്ലുകള്ക്കിടയില് പറ്റിപ്പിടിച്ചിരിക്കുന്നതോടെ രൂക്ഷമായ ദുർഗന്ധം വായില് നിന്നും ഉണ്ടാകും. അതിനാല് രണ്ടുനേരം പല്ല് തേയ്ക്കാന് ശ്രമിക്കുക. ഇതിനായി ഏതെങ്കിലും ആയൂര്വേദ പേസ്റ്റ് ഉപയോഗിക്കാനും ശ്രമിക്കുക.
രണ്ട്…
ആരോഗ്യപരമായ ഭക്ഷണശീലം വളര്ത്തിയെടുക്കുക. പഴവർഗ്ഗങ്ങള് ഏതെങ്കിലും ഭക്ഷണത്തിനോടൊപ്പം കഴിക്കുന്നത് വായ്നാറ്റം അകറ്റാൻ സഹായിക്കും. വെള്ളം ധാരാളം കുടിക്കാനും ശ്രദ്ധിക്കുക. വായ ഉണങ്ങിയിരിക്കുന്നത് വായ്നാറ്റം രൂക്ഷമാകാൻ കാരണമാകും
മൂന്ന്…
അസിഡിറ്റി പ്രശ്നം ഇന്ന് പലരേയും അലട്ടുന്നു. നെഞ്ചിന്റെ താഴത്തെ ഭാഗത്ത് അനുഭവപ്പെടുന്ന നെഞ്ചെരിച്ചില് അസിഡിറ്റിയുടെ ലക്ഷണമാണ്. ഇത്തരം ആസിഡ് റിഫ്ലക്സ് മൂലവും വായ്നാറ്റം ഉണ്ടാകാം. അതിനാല് ഇതിന് ചികിത്സ തേടാനും മടിക്കരുത്.
നാല്…
മോണരോഗമോ മോണവീക്കമോ പൂപ്പലോ മറ്റ് ദന്ത രോഗങ്ങളോ ഉണ്ടെങ്കില് ഉടൻ തന്നെ ഒരു ദന്ത രോഗ വിദഗ്ധനെ കാണുക.
അഞ്ച്…
വായ്നാറ്റത്തെ അകറ്റാനുള്ള മികച്ച പ്രതിവിധിയാണ് പെരുംജീരകം. അതിനാല് ഭക്ഷണത്തിന് ശേഷം അല്പം പെരുംജീരകം കഴിക്കുന്നത് ശീലമാക്കുക.
ആറ്…
ഭക്ഷണ ശേഷം ഒന്നോ രണ്ടോ ഏലക്ക വായിലിട്ട് ചവയ്ക്കുന്നതും വായ്നാറ്റം അകറ്റാന് സഹായിക്കും.
