ചെങ്ങളത്ത് ഓട്ടോ ഇടിപ്പിച്ച് കുഞ്ഞുമോനെ കൊന്ന സംഭവം: കുഞ്ഞുമോന്റെ മകനെയും പ്രതി കൊല്ലാൻ ശ്രമിച്ചിരുന്നുവെന്ന് പോലീസ്:

സ്വന്തം ലേഖകൻ

കോട്ടയം: ചെങ്ങളത്ത് ഒട്ടോ ഇടിപ്പിച്ചു കൊന്ന കുഞ്ഞുമോന്റെ മകനെയും സമാന രീതിയിൽ കൊല്ലാൻ ശ്രമിച്ചിരുന്നതായി പോലീസ് . 17 വർഷം മുൻപ് പ്രതി സമാനമായ മറ്റൊരു കേസിൽ ഉൾപ്പെട്ടിരുന്നതായും രേഖകൾ. ചെങ്ങളം സൗത്ത് പതിനഞ്ചിൽ പറമ്പിൽ പി.ജെ.കുഞ്ഞുമോന്റെ ( 57 ) മരണത്തിന് ഉത്തരവാദിയെന്ന് കണ്ടെത്തിയ ഓട്ടോ ഡ്രൈവർ

പുത്തൻ പറമ്പിൽ പി.എം. ജോഷി മോനെതിരേയുള്ള നടപടികൾ പോലീസ് ഊർജിതമാക്കി. ജോഷിയുടെ സ്വഭാവദൂഷ്യം സംബന്ധിച്ച കാര്യങ്ങൾ സൃഹൃത്തുക്കളുമായി പങ്കു വച്ചെന്ന സംശയമാണ് കുഞ്ഞുമോനോടുള്ള വൈരാഗ്യമായി സൂചിപ്പിക്കപ്പെടുന്നത്.

പ്രതി ഓടിച്ചിരുന്ന ഓട്ടോ ഇടിച്ച് 2007 ഒക്ടോബർ 18 – നു കോട്ടയം ജില്ലാ ജനറൽ ആശുപത്രിയുടെ മുന്നിലും അപകടം ഉണ്ടായിരുന്നു. കുമരകം സ്വദേശി മർക്കോസ് (കുഞ്ഞച്ചൻ – 70) ആണ് അന്ന് മരിച്ചത്. പരിക്കേറ്റ് ചികിത്സയിൽ ഇരിക്കെയാണ് മരണം സംഭവിച്ചത്.