പെണ്‍ സുഹൃത്തിനെച്ചൊല്ലി തർക്കം ; കളമശ്ശേരിയില്‍ അപ്പാർട്ട്മെന്‍റില്‍ കയറി ആക്രമണം നടത്തി കോളേജ് വിദ്യാർഥികള്‍

കൊച്ചി : കളമശ്ശേരിയില്‍ അപ്പാർട്ട്മെന്‍റില്‍ കയറി ആക്രമണം നടത്തി കോളേജ് വിദ്യാർഥികള്‍. ആക്രമണത്തിന്റെ സി സിടിവി ദൃശ്യങ്ങള്‍ പുറത്ത്.

കമ്പി വടിയും മാരകായുധങ്ങളുമായിട്ടായിരുന്നു ആക്രമണം. ആക്രമണത്തില്‍ 5 പേർക്ക് പരിക്കേറ്റിരുന്നു. നാല് പേർക്കെതിരെ വധശ്രമം അടക്കമുള്ള വകുപ്പുകള്‍ ചുമത്തി കേസെടുത്തു. ഇന്നലെ പുലര്‍ച്ചെ രണ്ടരയോടെയായിരുന്നു സംഭവം.

മംഗലാപുരം കോളജിലെ വിദ്യാര്‍ഥികളാണ് അക്രമികള്‍. ഇന്‍റേണ്‍ഷിപ്പിന്‍റെ ഭാഗമായിട്ടാണ് കൊച്ചിയിലെത്തിയത്. കഴിഞ്ഞ ദിവസം പെണ്‍സുഹൃത്തിനെച്ചൊല്ലി രണ്ട് വിഭാഗങ്ങള്‍ തമ്മില്‍ തര്‍ക്കമുണ്ടായിരുന്നു. ഇതിന്‍റെ തുടര്‍ച്ചയാണ് ആക്രമണം.