മന്ത്രി സജി ചെറിയാൻ്റെ വിവാദ പരാമര്ശം; അനുപമയുടെ പരാതിയില് പ്രാഥമിക പരിശോധന നടത്താന് പൊലീസിന് നിര്ദ്ദേശം
സ്വന്തം ലേഖിക
തിരുവനന്തപുരം: സാംസ്ക്കാരിക വകുപ്പ് മന്ത്രി സജി ചെറിയാന് തനിക്കെതിരെ വിവാദ പരാമര്ശം നടത്തിയെന്ന അനുപമയുടെ പരാതിയില് പ്രാഥമിക പരിശോധന നടത്താന് തിരുവനന്തപുരം സിറ്റി പൊലീസ് കമീഷണറുടെ നിര്ദേശം.
പ്രസംഗത്തിൻ്റെ ഉള്ളടക്കം പരിശോധിക്കാനാണ് നിര്ദ്ദേശം നല്കിയത്. പ്രസംഗത്തിൻ്റെ ഉള്ളടക്കം പരിശോധിച്ച ശേഷമാകും പൊലീസിൻ്റെ തുടര്നടപടി.
Whatsapp Group 1 | Whatsapp Group 2 |Telegram Group
എന്നാൽ വിവാദപരാമര്ശത്തില് മന്ത്രിക്കെതിരെ അനുപമയും അജിത്തും പരാതി നല്കിയിട്ടും പരാമര്ശം വിവാദമായിട്ടും സജി ചെറിയാന് തിരുത്താന് തയ്യാറായിട്ടില്ല. തൻ്റെ അഭിപ്രായപ്രകടനം രക്ഷിതാവ് എന്ന നിലയിലാണെന്നും ആരുടെയും പേര് പരാമര്ശിച്ചിട്ടില്ലെന്നും മന്ത്രി വിശദീകരിച്ചു.
പ്രസംഗത്തില് ആരുടെയും പേര് എടുത്ത് പറഞ്ഞില്ലെന്നും നാട്ടിലെ സംഭവം പൊതുവായി പറഞ്ഞതാണെന്നുമാണ് മന്ത്രിയുടെ ന്യായീകരണം.
അനുപമയ്ക്കൊപ്പമാണെന്ന് സിപിഎം പറയുമ്പോഴും അപകീര്ത്തിപരമായ പരാമര്ശം മന്ത്രി തന്നെ നടത്തിയതില് വ്യാപക വിമര്ശനങ്ങള് ഉയരുന്നുണ്ട്.
പ്രസംഗം നടന്നത് ശ്രീകാര്യം പൊലീസ് സ്റ്റേഷന് പരിധിയിലാണെന്നതിനാല് അനുപമയുടെ പരാതി പേരൂര്ക്കട പൊലീസ് ശ്രീകാര്യം പൊലീസിന് കൈമാറി.