ഇവന്‍റ് മാനേജ്മെന്‍റ് സ്ഥാപനത്തിന്‍റെ ഗോഡൗണില്‍ നിന്ന് രണ്ടുലക്ഷം രൂപയുടെ സാമഗ്രികള്‍ മോഷ്ടിച്ചു ; യുവാവ് അറസ്റ്റിൽ
അന്തിക്കാട് : ഇവന്‍റ് മാനേജ്മെന്‍റ് സ്ഥാപനത്തിന്‍റെ ഗോഡൗണില്‍ നിന്ന് രണ്ടുലക്ഷം രൂപയുടെ സാമഗ്രികള്‍ മോഷ്ടിച്ച യുവാവിനെ അന്തിക്കാട് പോലീസ് അറസ്റ്റ്ചെയ്തു.
കണ്ടശാംകടവ് മാമ്ബുള്ളി സ്വദേശി കോരത്ത് വീട്ടില്‍ അഭയ്(19)നെയാണ് എസ്‌ഐ കെ. അജിത്തും സംഘവും അറസ്റ്റ് ചെയ്തത്.
മാങ്ങാട്ടുകരയിലുള്ള ഇവന്‍റ് മാനേജ്മെന്‍റ് സ്ഥാപനത്തിന്‍റെ സ്റ്റേജ് ഡെക്കറേഷൻ സാമഗ്രികള്‍ സൂക്ഷിക്കുന്ന ഗോഡൗണില്‍നിന്ന് മോഷണംനടത്തിയ കേസിലാണ് അഭയ് പിടിയിലായത്. രണ്ട് മൊബൈല്‍ ഫോണുകള്‍, ഹീറ്റർ ഫാൻ, ഗോള്‍ഡൻ ഫ്രെയിമുകള്‍, പത്ത് സ്ക്വയർ ഫ്രെയിമുകള്‍, ആർച്ച്‌, പതിനഞ്ച് സെറ്റ് റാക്ക് സ്റ്റാൻഡ്, ഡ്രില്‍ സെറ്റ് എന്നീ സാധനങ്ങള്‍ മോഷ്ടിച്ചു. മാങ്ങാട്ടുകര സ്വദേശി നോബിളിന്‍റെ ഉടമസ്ഥതയിലുള്ളതാണ് സ്ഥാപനം.
Whatsapp Group 1 | Whatsapp Group 2 |Telegram Group
അന്തിക്കാട് പോലീസ് നടത്തിയ അന്വേഷണത്തിലാണ് പ്രതി പിടിയിലാകുന്നത്. ഇയാള്‍ക്കെതിരെ മറ്റു കേസുകളും സ്റ്റേഷനിലുണ്ട്. മോഷണവസ്തുക്കള്‍ പ്രതി തളിക്കുളത്തുള്ള അക്രിക്കടയില്‌ വിറ്റതെന്ന് പോലീസ് കണ്ടെത്തി. കോടതി റിമാൻഡ് ചെയ്ത പ്രതിയെ കൗമാര കുറ്റവാളികളെ പാർപ്പിക്കുന്ന തൃക്കാക്കര ബോസ്റ്റല്‍ സ്കൂളിലേക്ക് മാറ്റി.
