‘പ്രതിയെ രക്ഷിക്കാമെങ്കില്‍ ശിക്ഷിക്കാനും അറിയാം, പിഞ്ചുകുഞ്ഞിനെ പിച്ചിച്ചീന്തിയ കാപാലികന് വധശിക്ഷ വാങ്ങിക്കൊടുക്കാന്‍ പോരാടും’; ആലുവയിലെ കേസില്‍ പ്രതിയ്ക്ക് വേണ്ടി വാദിക്കില്ലെന്ന് ആളൂര്‍

സ്വന്തം ലേഖിക

കോഴിക്കോട്: ആലുവയില്‍ അഞ്ചുവയസുകാരി പീഡനത്തിന് ഇരയായി കൊല്ലപ്പെട്ട സംഭവത്തില്‍ പരാതിയ്ക്ക് വേണ്ടി വാധിക്കില്ലെന്ന് അഭിഭാഷകൻ ബി.എ ആളൂര്‍.

ഈ കേസില്‍ കുട്ടിക്കും കുടുംബത്തിനും പ്രോസിക്യൂഷനും ഒപ്പം നില്‍ക്കും എന്നും പിഞ്ചുകുഞ്ഞിനെ പിച്ചിച്ചീന്തിയ കാപാലികന് ഏറ്റവും വലിയ ശിക്ഷയായ വധശിക്ഷ വാങ്ങിക്കൊടുക്കാൻ പോരാടുമെന്നും ആളൂര്‍ അറിയിച്ചു.

എന്നാല്‍, നീതിക്കു വേണ്ടി സമീപിക്കുന്ന ആദ്യത്തെ വ്യക്തിക്കൊപ്പമായിരിക്കും താനുണ്ടായിരിക്കുകയെന്നും അദ്ദേഹം വ്യക്തമാക്കി.

ആലുവയിലെ കേസിലെ പ്രതി എന്നെ ഇതുവരെ സമീപിച്ചിട്ടില്ല. സോഷ്യല്‍ മീഡിയയിലും വാര്‍ത്തയിലുമെല്ലാം താൻ പ്രതിക്കു വേണ്ടി ഹാജരാകുമെന്നു പറയുന്നതെല്ലാം തെറ്റാണ്. അതും പറഞ്ഞു ഭീഷണിയുണ്ട്.

ഈ കേസില്‍ വാദിക്കൊപ്പം നില്‍ക്കുമെന്നും ഒരു യൂട്യൂബ് ചാനലിനു നല്‍കിയ അഭിമുഖത്തില്‍ ബി.എ ആളൂര്‍ അറിയിച്ചു.