പ്രായപൂര്ത്തിയാകാത്ത വിദ്യാര്ഥിനിയെ ലൈംഗികമായി പീഡിപ്പിച്ച കേസിൽ ആല്ബം ഗായകന് അറസ്റ്റില്; രണ്ട് വര്ഷം മുമ്പ് പൊന്നാനിയില് നിന്ന് പരിചയപ്പെട്ട കുട്ടിയെ മന്സൂറലി പാട്ട് പഠിപ്പിക്കുകയും പ്രണയിക്കുകയുമായിരുന്നു,വിവാഹിതനും, രണ്ട് കുട്ടികളുടെ പിതാവുമാണ് അറസ്റ്റിലായ മന്സൂറലി
സ്വന്തം ലേഖിക
മലപ്പുറം: വിവാഹ വാഗ്ദാനം നല്കി പ്രായപൂര്ത്തിയാകാത്ത വിദ്യാര്ഥിനിയെ പീഡിപ്പിച്ച കേസില് ആല്ബം ഗായകന് അറസ്റ്റില്. പുത്തനത്താണി പുന്നത്തല കുറുമ്പത്തൂര് സ്വദേശി മന്സൂറലിയെയാണ് പൊന്നാനി പൊലീസ് പോക്സോ കേസ് ചുമത്തി അറസ്റ്റ് ചെയ്തത്.
ആല്ബം ഗാനങ്ങള് പാടുന്നതിനും പഠിപ്പിക്കുന്നതിനുമായി എത്തിയ പ്രായപൂര്ത്തിയാകാത്ത കുട്ടിക്ക് വിവാഹ വാഗ്ദാനം നല്കി ലൈംഗികമായി പീഡിപ്പിച്ച കേസിലാണ് മാപ്പിള ആല്ബം ഗായകനായ മന്സൂറലിയെ പൊന്നാനി പൊലീസ് അറസ്റ്റ് ചെയ്തത്.
Whatsapp Group 1 | Whatsapp Group 2 |Telegram Group
വിവാഹിതനും, രണ്ട് കുട്ടികളുടെ പിതാവുമാണ് അറസ്റ്റിലായ മന്സൂറലി. രണ്ട് വര്ഷം മുമ്പ് പൊന്നാനിയില് നിന്ന് പരിചയപ്പെട്ട കുട്ടിയെ പിന്നീട് മന്സൂറലി പാട്ട് പഠിപ്പിക്കുകയും പ്രണയിക്കുകയുമായിരുന്നു.
തുടര്ന്ന് പലതവണ കുട്ടിയെ കാറില് കൊണ്ടുപോയി പീഡിപ്പിക്കുകയും ചെയ്തു. കഴിഞ്ഞ ദിവസം വിവരമറിഞ്ഞ വീട്ടുകാര് പൊന്നാനി പൊലീസില് പരാതി നല്കുകയായിരുന്നു. തുടര്ന്ന് പൊന്നാനി സി ഐ വിനോദ് വലിയാറ്റൂരിന്റെ നേതൃത്വത്തില് ഇയാളെ പോക്സോ ചുമത്തി അറസ്റ്റ് ചെയ്തു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.