ആലപ്പുഴ ജില്ലാ കളക്ടറായി ഡോ.രേണു രാജ് ചുമതലയേറ്റു

സ്വന്തം ലേഖകൻ

ആലപ്പുഴ : മൂന്നാർ സബ് കലക്‌ടറായിരിക്കെ കയ്യേറ്റക്കാർക്കെതിരെ കർശന നിലപാട് എടുത്തതിന്‍റെ പേരിൽ ശ്രദ്ധേയയായ ഡോ. രേണുരാജ് ഐ.എ.എസ് ആലപ്പുഴ ജില്ലാ കളക്ടറായി ചുമതലയേറ്റു . നിലവിലെ കളക്ടർ എ. അലക്‌സാണ്ടർ ഈ മാസം വിരമിക്കുന്ന സാഹചര്യത്തിലാണ് നിയമനം.

കോട്ടയം ചങ്ങനാശ്ശേരി സ്വദേശിയായ രേണു രാജ് ഐ.എ.എസ് രണ്ടാം റാങ്കോടെ പാസായി. കല-കായിക മേഖലകളിലും മികവ് തെളിയിച്ചിട്ടുണ്ട്.

കോട്ടയം മെഡിക്കൽ കോളജിൽ നിന്ന് എം.ബി.ബി.എസ് പാസായി. തുടർന്ന് കല്ലുവാതുക്കൽ ഇ.എസ്.ഐ ആശുപത്രിയിൽ മെഡിക്കൽ ഓഫിസറായി സേവനം അനുഷ്ഠിക്കവെയാണ് 27-ാം വയസിൽ ആദ്യ ചാൻസിൽ തന്നെ ഐ.എ.എസ് പരീക്ഷ പാസായത്.

തൃശ്ശൂർ സബ് കലക്‌ടറായിട്ടായിരുന്നു ആദ്യ നിയമനം. പിന്നീടാണ് മൂന്നാറിൽ സബ് കലക്‌ടറായി എത്തുന്നത്.