എക്സൈസിന്റെ മിന്നൽ പരിശോധന ; ആലപ്പുഴയിൽ എം ഡി എം എയും കഞ്ചാവുമായി യുവാവ് പിടിയിൽ

ആലപ്പുഴ: റോഡ് മുക്ക് ഭാഗത്ത് എക്സൈസ്  നടത്തിയ മിന്നല്‍ പരിശോധനയില്‍ എം.ഡി.എം.എയും കഞ്ചാവുമായി യുവാവിനെ അറസ്റ്റു ചെയ്തു.

മണ്ണഞ്ചേരി പഞ്ചായത്ത് 16-ാം വാർഡില്‍ മണ്ണഞ്ചേരി നേതാജി കോളനി വീട്ടില്‍ നസീർ നവാസിനെ (21) ആണ് എക്‌സൈസ് ഇൻസ്‌പെക്ടർ ജി.ഫെമിന്റെ നേതൃത്വത്തിലുള്ള സംഘം പിടികൂടിയത്. ഇയാളില്‍ നിന്ന് 2.1932 ഗ്രാം എം.ഡി.എം.എയും 1.87ഗ്രാം ഗഞ്ചാവും പിടിച്ചെടുത്തു.

അസിസ്റ്റന്റ് എക്‌സൈസ് ഇൻസ്‌പെക്ടർ ഗ്രേഡ് പി.വിജയകുമാർ, സിവില്‍ എക്‌സൈസ് ഓഫീസർമാരായ വർഗീസ് പയസ്, ഗോപീകൃഷ്ണൻ സിവില്‍ എക്‌സൈസ് ഓഫീസർ ഡ്രൈവർ എ.ജെ.വർഗീസ് എന്നിവരും എക്സൈസ് സംഘത്തിലുണ്ടായിരുന്നു.