‘മന്ത്രി ഫോൺ വിളിച്ച കാര്യങ്ങളും ഇടപെടലും വ്യക്തമായി പറഞ്ഞിട്ടുണ്ട്; വോയിസ് ക്ലിപ്പ് റെക്കോഡ് ചെയ്യാൻ ഇടയായ സാഹചര്യങ്ങളും വെളിപ്പെടുത്തിയിട്ടുണ്ട്’; എ.​കെ.​ശ​ശീ​ന്ദ്ര​നെ​തി​രെ പരാതിക്കാരി​ മൊഴി നൽകി

സ്വന്തം ലേഖകൻ

കൊ​ല്ലം: പീഡന പരാതി ഒത്തു തീർപ്പാക്കാൻ ശ്രമിച്ച കേസിൽ വ​നം​മ​ന്ത്രി എ.​കെ.​ശ​ശീ​ന്ദ്ര​നെ​തി​രെ യു​വ​തി​യു​ടെ മൊ​ഴി നൽകി. ഒ​ന്ന​ര മ​ണി​ക്കൂ​റോ​ളം സ​മ​യ​മെ​ടു​ത്താ​ണ് പോ​ലീ​സ് മൊ​ഴി രേ​ഖ​പ്പെ​ടു​ത്തി​യ​ത്.

മന്ത്രി ഫോൺ വിളിച്ച കാര്യങ്ങളും ഇടപെടലും വ്യക്തമായി പറഞ്ഞിട്ടുണ്ട്. വോയിസ് ക്ലിപ്പ് റെക്കോഡ് ചെയ്യാൻ ഇടയായ സാഹചര്യങ്ങളും വ്യക്തമാക്കിയിട്ടുണ്ട്.

ആരോപണവിധേയനായ ജി പത്മാകരനെതിരെയും സ്ഥാപനത്തിലെ ജീവനക്കാരനെതിരെയും പൊലീസിന് മൊഴി നൽകിയെന്നും പരാതിക്കാരി പറഞ്ഞു.

പീ​ഡ​ന കേ​സ് ഒ​ത്തു​തീ​ർ​പ്പാ​ക്കാ​ൻ വേ​ണ്ടി​യാ​ണ് മ​ന്ത്രി ഇ​ട​പെ​ട്ട​ത്. ഇ​ത് പീ​ഡ​ന​ക്കേ​സി​ലെ പ്ര​തി​യെ ര​ക്ഷ​പ്പെ​ടു​ത്താ​നു​ള്ള ശ്ര​മ​മാ​ണ്. അ​തു​കൊ​ണ്ട് ത​ന്നെ കേ​സി​ൽ മ​ന്ത്രി​യും കു​റ്റ​ക്കാ​ര​നാ​ണെ​ന്നും മ​ന്ത്രി​ക്കെ​തി​രെ ഗ​വ​ർ​ണ​ർ​ക്ക് പ​രാ​തി ന​ൽ​കു​മെ​ന്നും യു​വ​തി മാ​ധ്യ​മ​ങ്ങ​ളോ​ട് പ​റ​ഞ്ഞു.

പ​ത്മാ​ക​ര​ൻ ത​ൻറെ കൈ​യി​ൽ ക​യ​റി പി​ടി​ച്ചെ​ന്നും വാ​ട്സാ​പ്പി​ലൂ​ടെ അ​പ​വാ​ദ പ്ര​ചാ​ര​ണം ന​ട​ത്തി​യെ​ന്നു​മാ​യി​രു​ന്നു യു​വ​തി​യു​ടെ പ​രാ​തി. പ​രാ​തി​ക്ക് ശേ​ഷം 24-ാം ദി​വ​സ​മാ​ണ് പൊ​ലീ​സ് പെ​ൺ​കു​ട്ടി​യു​ടെ മൊ​ഴി​യെ​ടു​ക്കു​ന്ന​ത്.

ആ​രോ​പ​ണ വി​ധേ​യ​നാ​യ ജി. ​പ​ത്മാ​ക​ര​ൻ, കു​ണ്ട​റ സ്വ​ദേ​ശി​യാ​യ രാ​ജീ​വ് എ​ന്നി​വ​ർ​ക്കെ​തി​രെ​യാ​ണ് കേ​സെ​ടു​ത്തി​രി​ക്കു​ന്ന​ത്.

ഇവർക്കെതിരെ പ​രാ​തി ന​ൽ​കി​യ​തി​നു ശേ​ഷം പ​ല​ത​വ​ണ സ്ത്രീ ​പോ​ലീ​സ് സ്റ്റേ​ഷ​നി​ൽ ക​യ​റി​യി​റ​ങ്ങി​യി​ട്ടും എ​ഫ്ഐ​ആ​ർ ഇ​ടു​ക​യോ മൊ​ഴി​യെ​ടു​ക്കു​ക​യൊ ചെ​യ്തി​രു​ന്നി​ല്ല.

പ​രാ​തി​യി​ൽ പ​റ​യു​ന്ന സം​ഭ​വ​ങ്ങ​ൾ ന​ട​ന്ന സ​മ​യ​ത്തെ പ​റ്റി വ്യ​ക്ത​ത​യി​ല്ലെ​ന്ന കാ​ര​ണം പ​റ​ഞ്ഞാ​ണ് പോ​ലീ​സ് ഇ​തു​വ​രെ കേ​സ് എ​ടു​ക്കാ​തി​രു​ന്ന​ത്. എ​ന്നാ​ൽ മ​ന്ത്രി എ.​കെ. ശ​ശീ​ന്ദ്ര​ൻറെ കേ​സി​ലെ ഇ​ട​പെ​ട​ൽ പു​റ​ത്തു വ​ന്ന​തോ​ടെ പോ​ലീ​സ് ചൊ​വ്വാ​ഴ്ച കേ​സെ​ടു​ക്കു​ക​യാ​യി​രു​ന്നു.

അതേസമയം, ശശീന്ദ്രന്റെ രാജി ആവശ്യപ്പെട്ടു കൊണ്ട് ഇന്ന് നിയമസഭയിൽ അടിയന്തര പ്രമേയം അവതരിപ്പിക്കാൻ പ്രതിപക്ഷം ശ്രമിച്ചുവെങ്കിലും സ്പീക്കർ അത് തള്ളി. തുടർന്ന് പ്രതിപക്ഷം നിയമസഭയിൽ നിന്ന് ഇറങ്ങി പോയി.