![അഫ്ഗാൻ സർക്കാർ താലിബാനു മുൻപിൽ കീഴടങ്ങി; ഇടക്കാല സർക്കാരിന് അധികാരം കൈമാറുമെന്ന് അഫ്ഗാൻ ആഭ്യന്തരമന്ത്രി അബ്ദുൾ സത്താർ മിർസാക്ക്വൽ; യു.എൻ രക്ഷാസമിതി യോഗം ഉടൻ ചേരും അഫ്ഗാൻ സർക്കാർ താലിബാനു മുൻപിൽ കീഴടങ്ങി; ഇടക്കാല സർക്കാരിന് അധികാരം കൈമാറുമെന്ന് അഫ്ഗാൻ ആഭ്യന്തരമന്ത്രി അബ്ദുൾ സത്താർ മിർസാക്ക്വൽ; യു.എൻ രക്ഷാസമിതി യോഗം ഉടൻ ചേരും](https://i0.wp.com/thirdeyenewslive.com/storage/2021/08/afgan1.jpg?fit=700%2C518&ssl=1)
അഫ്ഗാൻ സർക്കാർ താലിബാനു മുൻപിൽ കീഴടങ്ങി; ഇടക്കാല സർക്കാരിന് അധികാരം കൈമാറുമെന്ന് അഫ്ഗാൻ ആഭ്യന്തരമന്ത്രി അബ്ദുൾ സത്താർ മിർസാക്ക്വൽ; യു.എൻ രക്ഷാസമിതി യോഗം ഉടൻ ചേരും
സ്വന്തം ലേഖകൻ
കാബൂൾ: താലിബാനു മുന്നിൽ കീഴടങ്ങി അഫ്ഗാൻ സർക്കാർ. ഇടക്കാല സർക്കാരിന് അധികാരം കൈമാറുമെന്ന് അഫ്ഗാൻ ആഭ്യന്തരമന്ത്രി അബ്ദുൾ സത്താർ മിർസാക്ക്വൽ പറഞ്ഞു.
കാബൂൾ നഗരത്തിൽ ആക്രമണങ്ങൾ നടക്കില്ലെന്നും സമാധാനപരമായി ഇടക്കാല സർക്കാരിന് അധികാരം കൈമാറുമെന്നും അദ്ദേഹം പറഞ്ഞു.വീഡിയോ രൂപത്തിലാണ് ആഭ്യന്തരമന്ത്രിയുടെ സന്ദേശം പുറത്തുവന്നിരിക്കുന്നത്.
Whatsapp Group 1 | Whatsapp Group 2 |Telegram Group
താലിബാൻ കമാൻഡർ മുല്ല അബ്ദുൾ ഗനി ബറാദർ ആവും അഫ്ഗാൻറെ പുതിയ പ്രസിഡൻറെന്നാണ് സൂചന.
സമാധാനപരമായ അധികാരകൈമാറ്റത്തിന് കാത്തിരിക്കുകയാണെന്ന് താലിബാൻ വക്താക്കൾ റോയിട്ടേഴ്സിനോട് പ്രതികരിച്ചു.
അതേസമയം, അഫ്ഗാൻ വിഷയം ചർച്ചചെയ്യാൻ യു.എൻ രക്ഷാസമിതി ഉടൻ യോഗം ചേരുമെന്ന് റഷ്യ വ്യക്തമാക്കി.
റഷ്യൻ വിദേശകാര്യമന്ത്രി സമീർ കാബുലോവിനെ ഉദ്ധരിച്ച് റഷ്യൻ വാർത്താ ഏജൻസികളാണ് ഇക്കാര്യം റിപ്പോർട്ട് ചെയ്തത്.
താലിബാൻ അധികാരം പിടിച്ചെടുക്കുന്നതിന് മുന്നോടിയായി അഫ്ഗാൻ പ്രസിഡന്റ് കാബൂളിൽ നിന്ന് പുറത്തുകടന്നുവെന്ന വാർത്തകളെ തള്ളുന്ന റിപ്പോർട്ടുകളും പുറത്തുവന്നിട്ടുണ്ട്.
പ്രസിഡന്റ് കൊട്ടാരത്തിൽ തന്നെയാണ് അദ്ദേഹം ഇപ്പോഴുള്ളതെന്ന് അദ്ദേഹവുമായി അടുത്ത വൃത്തങ്ങളെ ഉദ്ധരിച്ച് വാർത്താ ഏജൻസികൾ റിപ്പോർട്ട് ചെയ്തു.