ഷാജ് കിരൺ വിജയ് സാഖറെയുമായി ചർച്ച നടത്തിയത് മണിക്കൂറുകളോളം ; എ ഡി ജി പി വിജയ് സാഖറെയ്‌ക്കെതിരെ സ്വപ്ന സുരേഷ്

സ്വന്തം ലേഖിക

കൊച്ചി :സംസ്ഥാനത്തെ ക്രമ സമാധാന ചുമതലയുള്ള എ ഡി ജി പി വിജയ് സാഖറെ സ്വർണ കടത്തിലെ ഇടനിലക്കാരനായ ഷാജ് കുമാറുമായി മണിക്കൂറുകളോളം ചർച്ച നടത്തിയെന്ന് സ്വപ്ന സുരേഷ് .നേരത്തെ എ ഡി ജി പി എം .ആർ അജിത് കുമാറുമായി ഷാജ് കിരൺ 36 തവണ ഫോണിൽ സംസാരിച്ചിരുന്നതായി സ്വപ്ന വെളിപ്പെടുത്തിയിരുന്നു .

ഇതേ തുടർന്ന് അജിത് കുമാറിനെ വിജിലൻസ് ഡയറക്ടർ സ്‌ഥാനത്തുനിന്നു മാറ്റി . ഇവരോടൊപ്പം മറ്റൊരു എ ഡി ജി പി കൂടി ഉണ്ടെന്നു സ്വപ്ന നേരത്തെ വെളിപ്പെടുത്തിയിരുന്നെങ്കിലും വിജയ് സാഖറെയുടെ പേര് പറഞ്ഞിരുന്നില്ല .

തനിക്ക് പോലീസ് സുരക്ഷാ ആവിശ്യമില്ലെന്ന് സ്വപ്ന നേരത്തെ വെളിപ്പെടുത്തിയതിനു പിന്നാലെയാണ് വിജയ് സാഖറെ നാലും അഞ്ചും മണിക്കൂർ ഷാജ് കിരണുമായി ചർച്ച നടത്തിയെന്ന് സ്വപ്ന പറഞ്ഞു .