![25 ടൂറിസ്റ്റ് ബസ്, ഊട്ടിയില് റിസോര്ട്ട്, ആലുവയില് ഹോട്ടല്; ദിലീപുമായുള്ള സൗഹൃദം ശരത്തിനെ കോടീശ്വരനാക്കി; നടന്റെ വീട്ടിലേക്കുള്ള ഭക്ഷണം എത്തിച്ചിരുന്നതും ശരത്തിന്റെ ഹോട്ടലില് നിന്ന് 25 ടൂറിസ്റ്റ് ബസ്, ഊട്ടിയില് റിസോര്ട്ട്, ആലുവയില് ഹോട്ടല്; ദിലീപുമായുള്ള സൗഹൃദം ശരത്തിനെ കോടീശ്വരനാക്കി; നടന്റെ വീട്ടിലേക്കുള്ള ഭക്ഷണം എത്തിച്ചിരുന്നതും ശരത്തിന്റെ ഹോട്ടലില് നിന്ന്](https://i0.wp.com/thirdeyenewslive.com/storage/2022/01/IMG-20220119-WA0025.jpg?fit=623%2C350&ssl=1)
25 ടൂറിസ്റ്റ് ബസ്, ഊട്ടിയില് റിസോര്ട്ട്, ആലുവയില് ഹോട്ടല്; ദിലീപുമായുള്ള സൗഹൃദം ശരത്തിനെ കോടീശ്വരനാക്കി; നടന്റെ വീട്ടിലേക്കുള്ള ഭക്ഷണം എത്തിച്ചിരുന്നതും ശരത്തിന്റെ ഹോട്ടലില് നിന്ന്
സ്വന്തം ലേഖിക
ആലുവ: നടിയെ ആക്രമിച്ച കേസിലെ വിഐപി ശരത്തിനെ കുറിച്ചുള്ള കൂടുതല് വിവരങ്ങള് പുറത്ത്.
സാധാരണ കുടുംബത്തില് ജനിച്ചു വളര്ന്ന ശരത് ജി നായര് അതിവേഗത്തിലാണ് കോടീശ്വരനായത്.
Whatsapp Group 1 | Whatsapp Group 2 |Telegram Group
25 ഓളം ടൂറിസ്റ്റ് ബസുകളും ഊട്ടിയില് സ്വന്തമായി റിസോര്ട്ടും ആലുവയില് വാടക കെട്ടിടത്തില് ഹോട്ടലും ഇയാള്ക്ക് സ്വന്തമായുണ്ട്.
ഏതാണ്ട്, 22 വര്ഷം മുൻപാണ് ശരത്തിന്റെ കുടുംബം ആലുവയിലെത്തുന്നത്. തോട്ടുംമുഖത്തെ വാടക വീട്ടിലായിരുന്നു താമസം. ഇപ്പോള് താമസിക്കുന്നത് തോട്ടുംമുഖം കല്ലുങ്കല് ലെയിനിലെ സൂര്യ എന്ന മണിമാളികയില്.
പിതാവ് വിജയന് ആലുവയിലെ ’നാന’ ഹോട്ടല് ഏറ്റെടുക്കുകയായിരുന്നു. പിന്നീട് ഇതിന്റെ പേര് ’സൂര്യ’ എന്നാക്കി. കാര്യമായ വിദ്യാഭ്യാസം നേടാത്ത ശരത് ഇതിനിടെ പ്രണയിച്ച് വിവാഹം കഴിച്ചു.
വീട്ടുകാര് എതിര്ത്തതോടെ ഏറെക്കാലം നാട്ടില് നിന്നും മാറിനില്ക്കേണ്ടി വന്നു. സുഹൃത്തുക്കള് ഇടപെട്ടാണ് തിരികെയെത്തിച്ചത്. ഇതിന് ശേഷമാണ് സൂര്യാ ഹോട്ടലിനൊപ്പം ട്രാവല്സ് കൂടി ആരംഭിക്കുന്നത്. ടെമ്പോ ട്രാവലറാണ് ആദ്യം വാങ്ങിയത്. പിന്നെ ബസുകളും സ്വന്തമാക്കി.
ചെങ്ങമനാട് സ്വദേശിയായ, ദിലീപിന്റെ യു സി കോളേജിലെ സഹപാഠിയുമായി സൗഹൃദത്തിലായത് വഴിത്തിരിവായി. ഈ സുഹൃത്താണ് ദിലീപുമായി ശരത്തിനെ പരിചയപ്പെടുത്തുന്നത്. ദിലീപുമായി അടുത്ത സൗഹൃദമായി. പത്ത് വര്ഷം മുൻപ് പുളിഞ്ചോട് കവലയില് സൂര്യ ഹോട്ടല് ഉദ്ഘാടനം ചെയ്തത് ദിലീപായിരുന്നു. അതിന് ശേഷമാണ് ഊട്ടിയിലും ഹോട്ടല് തുറന്നത്.
ദേശീയപാതയിലൂടെ കടന്നുപോകുന്ന രാഷ്ട്രീയ നേതാക്കളടക്കം പല പ്രമുഖരും സൂര്യ ഹോട്ടലിലെ സന്ദര്ശകരാണ്. പ്രമുഖരുമായുള്ള ബന്ധം ഊഷ്മളമായി നിലനിറുത്താന് വൈദഗ്ദ്ധ്യമുള്ളയാളാണ് ശരത്ത്. ചില ദിവസങ്ങളില് ദിലീപിന്റെ വീട്ടിലേക്കുള്ള ഭക്ഷണവും ശരത്തിന്റെ ഹോട്ടലില് നിന്നാണ് എത്തിച്ചിരുന്നത്.