“ഞങ്ങള്‍ക്കിടയില്‍ യാത്രപറച്ചിലില്ല…. എവിടെയായിരുന്നാലും അപ്പ എന്റെ ഹൃദയത്തിലുണ്ടാവും’; ഇന്‍സ്റ്റാഗ്രാം പോസ്റ്റ് പങ്കുവെച്ച്‌ മകള്‍ അച്ചു ഉമ്മന്‍

സ്വന്തം ലേഖിക

തിരുവനന്തപുരം: അന്തരിച്ച മുന്‍ മുഖ്യമന്ത്രിയും കോണ്‍ഗ്രസിന്റെ മുതിര്‍ന്ന നേതാവുമായ ഉമ്മന്‍ ചാണ്ടിയെ ഓര്‍മ്മിച്ച്‌ മകള്‍ അച്ചു ഉമ്മന്‍.

ഞങ്ങള്‍ക്കിടയില്‍ യാത്രപറച്ചിലില്ല, എവിടെയായിരുന്നാലും എന്റെ ഹൃദയത്തില്‍ അപ്പ ഉണ്ടാവുമെന്നാണ് അച്ചു ഉമ്മന്‍ തന്റെ ഇന്‍സ്റ്റഗ്രാം അക്കൗണ്ടില്‍ കുറിച്ചത്. ‘Darkest day of my life’ എന്നാണ് അച്ചു ഉമ്മൻ പോസ്റ്റിന് താഴെ കുറിച്ചിരിക്കുന്നത്.

ഉമ്മന്‍ ചാണ്ടിയുമൊത്തുള്ള പല നിമിഷങ്ങളും അച്ചു ഉമ്മന്‍ സമൂഹമാധ്യമങ്ങളിലൂടെ പങ്കുവെച്ചിരുന്നു.

ഉമ്മന്‍ ചാണ്ടിക്കും മാറിയാമ്മക്കും മൂന്ന് മക്കളാണ്. അച്ചു ഉമ്മന്‍, മറിയ ഉമ്മന്‍, ചാണ്ടി ഉമ്മന്‍ എന്നിവര്‍.