ലോറിയുടെ ചക്രം കാലില്‍ കയറി റേഷന്‍ ഡിപ്പോ ജീവനക്കാരിക്ക് പരിക്ക്; പരിക്കേറ്റത് വൈക്കം സിവില്‍ സപ്ലൈസ് താലൂക്ക് ഡിപ്പോയിലെ താത്കാലിക ക്ലീനിംഗ് ജീവനക്കാരിക്ക്
സ്വന്തം ലേഖിക
തലയോലപ്പറമ്പ്: ലോറിയുടെ ചക്രം കാലിലൂടെ കയറിയിറങ്ങി റേഷന്‍ ഡിപ്പോ താത്ക്കാലിക ജീവനക്കാരിക്ക് പരിക്ക്.
വൈക്കം സിവില്‍ സപ്ലൈസ് താലൂക്ക് ഡിപ്പോയിലെ താത്കാലിക ക്ലീനിംഗ് ജീവനക്കാരിയായ വരിയ്ക്കാംകുന്ന് സ്വദേശി സോണിയ (38)യ്ക്കാണ് ഗുരുതരമായി പരിക്കേറ്റത്. വെള്ളിയാഴ്ച്ച ഉച്ചക്ക് ഒന്നിന് തലയോലപ്പറമ്പ് ഇല്ലിത്തൊണ്ടിലുള്ള ഗോഡൗണിലായിരുന്നു അപകടം.
Whatsapp Group 1 | Whatsapp Group 2 |Telegram Group
റേഷന്‍ കടകളിലേക്കുള്ള അരി കയറ്റി പോകുകയായിരുന്ന ലോറിയുടെ ചക്രം സമീപത്ത് ക്ലീനിംഗ് നടത്തുകയായിരുന്ന യുവതിയുടെ കാലിലൂടെ കയറി ഇറങ്ങുകയായിരുന്നു. ബഹളം കേട്ട് ജീവനക്കാരും മറ്റ് വാഹന ഡ്രൈവര്‍മാരും ഉടന്‍ ഓടിയെത്തി പൊതിയിലുള്ള സ്വകാര്യ ആശുപത്രിയില്‍ പ്രവേശിപ്പിച്ച ശേഷം കോട്ടയം മെഡിക്കല്‍ കോളജ് ആശുപത്രിയിലേക്ക് വിദഗ്ധ ചികില്‍സയ്ക്കായി മാറ്റി.
