കോട്ടയം കുറവിലങ്ങാട് ബൈക്കിന് പിന്നില്‍ ടോറസ് ലോറിയിടിച്ച്‌ അപകടം; ബൈക്ക് യാത്രികനായ യുവാവിന് ദാരുണാന്ത്യം

സ്വന്തം ലേഖകൻ

കോട്ടയം: എം സി റോഡില്‍ കുറവിലങ്ങാടിന് സമീപം ബൈക്കിന് പിന്നില്‍ ടോറസ് ലോറിയിടിച്ച്‌ യുവാവ് മരിച്ചു. പുതുപ്പള്ളി പരിയാരം കാടമുറി കൊച്ചുപറമ്പില്‍ കുഞ്ഞുമോന്‍ അന്നമ്മ ദമ്പതികളുടെ മകന്‍ റോബിന്‍ കെ ജോണ്‍ (28 ) ആണ് മരിച്ചത്.

ശനിയാഴ്ച രാത്രി 7.30 ഓടെ പുതുവേലി കോളേജിന് സമീപം ആണ് അപകടം ഉണ്ടായത്.

പെരുമ്പാവൂര്‍ യൂണി പവര്‍ കമ്പനിയില്‍ ടെക്നീഷ്യനായിരുന്ന റോബിന്‍ ജോലികഴിഞ്ഞ് വീട്ടിലേക്ക് മടങ്ങവെയാണ് അപകടം.ഇക്കഴിഞ്ഞ മാര്‍ച്ച്‌ 19 നായിരുന്നു റോബിന്റെ വിവാഹം. ഭാര്യ ബീതു, സഹോദരി പ്രിന്‍സി.