കോട്ടയം കൊടുങ്ങൂരിന് സമീപം പതിനേഴാംമൈലിൽ നിയന്ത്രണം വിട്ട സ്വകാര്യ ബസ് മതിലിലും കെഎസ്‌ആര്‍ടിസി ബസ്സിലും ഇടിച്ച്‌ അപകടം ; ബൈക്ക് യാത്രക്കാരന് പരിക്ക് ; അപകടത്തില്‍പ്പെട്ടത് മുണ്ടക്കയം ഭാഗത്തേക്ക് പോകുകയായിരുന്ന സ്വകാര്യ ബസ്
സ്വന്തം ലേഖകൻ
കോട്ടയം: കോട്ടയത്ത് മഴമൂലം തെന്നിമാറിയ ബസ് മതിലിലും കെഎസ്‌ആർടിസി ബസ്സിലും ഇടിച്ച്‌ അപകടം. കൊടുങ്ങൂരിന് സമീപം പതിനേഴാംമൈലിലാണ് സംഭവം.
അപകടത്തില്‍ ആർക്കും ആളപായമില്ല. മുണ്ടക്കയം ഭാഗത്തേക്ക് പോകുകയായിരുന്ന സ്വകാര്യ ബസാണ് അപകടത്തില്‍പ്പെട്ടത്. കെഎസ്‌ആര്‍ടിസി ബസ് പെട്ടെന്ന് നിർത്തിയപ്പോള്‍ ബസ്സിന്റെ പിന്നില്‍ ഇടിച്ച്‌ ബൈക്ക് യാത്രക്കാരന് പരിക്കേറ്റു.
Whatsapp Group 1 | Whatsapp Group 2 |Telegram Group
മുണ്ടക്കയം ഭാഗത്തേക്ക് പോവുകയിരുന്ന സ്വകാര്യ ബസ് പതിനേഴാം മൈലിലെ വളവ് തിരുയുന്നതിനായി വേഗത കുറച്ചപ്പോള്‍ റോഡില്‍ നിന്ന് തെന്നിമാറി മതിലില്‍ ഇടിക്കുകയായിരുന്നു. ഇതോടെ ബസിന്‍റെ പിൻഭാഗം വെട്ടിതിരിഞ്ഞ് എതിര്‍ഭാഗത്ത് നിന്നും വരുകയായിരുന്ന കെഎസ്‌ആര്‍ടിസി ബസിന്‍റെ മുൻഭാഗത്തും ഇടിച്ചു.
സ്വകാര്യ ബസ് ഇടിച്ചത് കണ്ട് പെട്ടെന്ന് കെഎസ്‌ആര്‍ടിസി ബസ് നിര്‍ത്തിയപ്പോഴാണ് പിന്നില്‍ വരുകയായിരുന്ന ബൈക്ക് ബസിലിടിച്ചത്. കനത്ത മഴയെ തുടര്‍ന്ന് റോഡില്‍ വെള്ളം നിറഞ്ഞിരുന്നു. റോഡില്‍ നിന്ന് സ്വകാര്യ ബസ് തെന്നി നീങ്ങുന്നതും ഇടിക്കുന്നതും സിസിടിവി ദൃശ്യങ്ങളില്‍ വ്യക്തമാണ്.
