കോട്ടയം കോടിമതയിൽ വാഹനങ്ങളുടെ കൂട്ടയിടി; ഇന്നോവ ഇടിച്ച് സ്കൂട്ടർ യാത്രക്കാരന് പരിക്ക്

സ്വന്തം ലേഖകൻ

കോട്ടയം: കോടിമതയിൽ വാഹനങ്ങളുടെ കൂട്ടിയിടി. നാട്ടകം ഭാഗത്ത് നിന്നും കോട്ടയത്തേക്കു പോയ രണ്ട് കാറും സ്കൂട്ടറുമാണ് കൂട്ടിയിടിച്ചത്.

അപകടത്തിൽ സ്കൂട്ടർ യാത്രികനായ തിരുവഞ്ചൂർ സ്വദേശി ജോസിന് പരിക്കേറ്റ്.

ഇദ്ദേഹം ഇൻഡികേറ്റർ ഇട്ട് എംജി റോഡ് (മാർക്കറ്റ് റോഡ്) ഭാഗത്തേക്ക് തിരിയവേ പിന്നാലെ വന്ന ഇന്നോവ മറികടന്ന് സ്കൂട്ടറിൽ ഇടിക്കുകയായിരുന്നു .

ഇടിയുടെ ആഘാതത്തിൽ ജോസ് റോഡിൻ്റെ വലതുവശത്തേക്ക് തെറിച്ചുവീണ് സാരമായി പരിക്കേറ്റു.

ഇതോടെ നിയന്ത്രണം വിട്ട ഇന്നോവ മുൻപിൽ പോയ മറ്റൊരു കാറിലും ഇടിച്ചു. അപകടത്തിൽ മറ്റാർക്കും പരിക്കില്ല.

വെസ്റ്റ് പോലീസ് സ്ഥലത്തെത്തി മേൽനടപടികൾ സ്വീകരിച്ചു.