ചങ്ങനാശേരി – വാഴൂർ റോഡ് മാന്തുരുത്തി കൊക്കുന്നേൽപടിയിൽ വാഹനാപകടത്തിൽ ഒരാൾ മരിച്ചു; ഒപ്പമുണ്ടായിരുന്ന മറ്റു നാലുപേർ ​ഗുരുതരാവസ്ഥയിൽ ചികിത്സയിൽ; മുണ്ടക്കയത്തേയ്ക്ക് പോയ സന്തോഷ് ബസ്സും കറുകച്ചാൽ ഭാഗത്തേയ്ക്ക് പോയ കാറും തമ്മിൽ കൂട്ടിയിടിക്കുകയായിരുന്നു; അപകടത്തിൽപ്പെട്ടത് വിനോദ യാത്രക്ക് ശേഷം മടങ്ങിയ കായംകുളം സ്വദേശികൾ

പാമ്പാടി: ചങ്ങനാശേരി – വാഴൂർ റോഡ് മാന്തുരുത്തി കൊക്കുന്നേൽപടിയിൽ വാഹനാപകടത്തിൽ ഒരാൾ മരിച്ചു. മുണ്ടക്കയത്തേയ്ക്ക് പോയ സന്തോഷ് ബസ്സും കറുകച്ചാൽ ഭാഗത്തേയ്ക്ക് പോയ കാറും തമ്മിൽ കൂട്ടി ഇടിച്ചാണ് അപകടം. വിനോദ യാത്രക്ക് ശേഷം മടങ്ങിയ കായംകുളം സ്വദേശികളായ രാഹുൽ അടോരശ്ശേരിയിൽ (28), അഖിൽ (28), അഖിൽ ഭവനം ഉൾപ്പെടെ അഞ്ച് പേർ കാറിൽ ഉണ്ടായിരുന്നു. ഇന്ന് 3.15നാണ് സംഭവം

രാഹുൽ, അഖിൽ എന്നിവരെ പാമ്പാടി താലൂക്ക് ആശുപത്രിയിൽ എത്തിച്ച് പ്രഥമിക ശുശ്രൂഷ നൽകിയ ശേഷം കോട്ടയം മെഡിക്കൽ കോളേജിലേക്ക് മാറ്റി. മറ്റു 3 യാത്രക്കാരെ സ്വകാര്യ ആംബുലൻസിൽ ചങ്ങനാശേരി ഭാഗത്തേക്ക് അയച്ചുവെന്നാണ് വിവരം.

സംഭവ സ്ഥലത്ത് പാമ്പാടി ഫയർഫോഴ്‌സ് എത്തുക്കയും രക്ഷാപ്രവർത്തനം നടത്തുകയും ചെയ്തു. സീനിയർ ഫയർ ഓഫീസർ ശ്രീ. അഭിലാഷ് കുമാർ വി എസ്, ശ്രീ. ഹരീന്ദ്രനാഥ് എൽ ആർ, ഫയർ ഓഫീസർ ശ്രീ. റെനേഹു ആർ, ശ്രീ. ബിജേഷ് എസ്, ഫയർ ഓഫീസർ ഡ്രൈവർ ശ്രീ. ഹരീഷ്മോൻ വി ബി, ഹോം ഗൗർഡ് ശ്രീ. ശ്രീകുമാർ നായർ എന്നിവർ രക്ഷാപ്രവർത്തനത്തിന് നേതൃത്വം നൽകി.