കുമരകം പ്രാഥമിക ആരോഗ്യ കേന്ദ്രത്തിലെ ജോലി കഴിഞ്ഞ് വീട്ടിലേക്ക് മടങ്ങിയ വനിതാ ഡോക്ടറുടെ കാർ ബസുമായി കൂട്ടിയിടിച്ച് പരിക്ക്
സ്വന്തം ലേഖിക
വൈക്കം: കാറും ബസും കൂട്ടിയിടിച്ചു വനിതാ ഡോക്ടര്‍ക്കു പരിക്കേറ്റു.
കുമരകത്തെ പ്രാഥമികാരോഗ്യ കേന്ദ്രത്തിലെ ഡ്യൂട്ടി കഴിഞ്ഞു വൈക്കം ചാലപറമ്പിലെ വീട്ടിലേക്കു മടങ്ങിയ മെഡിക്കല്‍ ഓഫീസര്‍ ഡോ. സ്വപ്നയ്ക്കാണു പരിക്കേറ്റത്. ഇന്നലെ വൈകുന്നേരം നാലോടെ വൈക്കം-വെച്ചൂര്‍ റോഡിലെ വിയറ്റ്നാം ജംഗ്ഷനിലായിരുന്നു അപകടം.
Whatsapp Group 1 | Whatsapp Group 2 |Telegram Group
കുമരകത്തെ പിഎച്ച്‌സിയില്‍നിന്നു ഡ്യൂട്ടികഴിഞ്ഞു ചാലപ്പറമ്പിലെ വീട്ടിലേക്കു വരുമ്പോള്‍ വീതികുറഞ്ഞ റോഡില്‍ കാറും ബസും കൂട്ടിയിടിക്കുകയായിരുന്നു. ഓടിക്കൂടിയ നാട്ടുകാരും സ്വകാര്യബസ് ജീവനക്കാരും ചേര്‍ന്നാണ് രക്ഷാപ്രവര്‍ത്തനം നടത്തിയത്. വൈക്കം താലൂക്ക് ആശുപത്രിയില്‍ പ്രവേശിപ്പിക്കപ്പെട്ട ഡോ. സ്വപ്ന പ്രഥമ ശുശ്രൂഷയ്ക്കുശേഷം വീട്ടിലേക്കു മടങ്ങി.
