പ്രസവശേഷം അബോധാവസ്ഥയിലായി; ഇരട്ടക്കുഞ്ഞുങ്ങളെ കാണാതെ കൃഷ്ണപ്രിയ യാത്രയായി

സ്വന്തം ലേഖിക
കാഞ്ഞിരപ്പള്ളി : പ്രസവശേഷം അബോധാവസ്ഥയിലായ കൃഷ്ണ പ്രിയ എന്ന യുവതി യാത്രയായി.

ഇരട്ടക്കുഞ്ഞുങ്ങൾക്ക് ജന്മം നൽകിയതിന് ശേഷമാണ് യുവതി മരിച്ചത്.

തമ്പലക്കാട് പാറയിൽ ഷാജി- അനിത ദമ്പതികളുടെ മകൾ കൃഷ്ണപ്രിയ (24) ചികിത്സയിൽ കഴിയവേയാണ് മരിച്ചത്. ജനുവരി 29ന് മൂവാറ്റുപുഴയിലെ സ്വകാര്യ ആശുപത്രിയിൽ ഇരട്ടക്കുട്ടികൾക്ക് ജന്മം നൽകിയ ശേഷം കൃഷ്ണപ്രിയ അബോധാവസ്ഥയിലായി.

തുടർന്ന് ആലുവയിൽ സ്വകാര്യ ആശുപത്രിയിൽ എത്തിച്ചിരുന്നു.

ചികിത്സയിൽ കഴിയുന്ന കൃഷ്ണപ്രിയയുടെ ചികിത്സയ്ക്കായി നാടൊന്നിച്ചു പണം സ്വരൂപിച്ചു വരികയായിരുന്നു.