ഡൽഹി: കേന്ദ്ര ഊർജ്ജ മന്ത്രാലയത്തിന് കീഴിലുള്ള ‘മഹാരത്ന’ പദവിയുള്ള പൊതുമേഖലാ സ്ഥാപനമായ പവർ ഗ്രിഡ് കോർപ്പറേഷൻ ഓഫ് ഇന്ത്യ ലിമിറ്റഡ് (PGCIL), വിവിധ ട്രെയിനി തസ്തികകളിലേക്ക് ഉദ്യോഗാർത്ഥികളെ ക്ഷണിച്ചുകൊണ്ട് ഔദ്യോഗിക വിജ്ഞാപനം പുറപ്പെടുവിച്ചു.
ഡിപ്ലോമ ട്രെയിനി, ജൂനിയർ ഓഫീസർ ട്രെയിനി, ജൂനിയർ ടെക്നീഷ്യൻ ട്രെയിനി എന്നീ വിഭാഗങ്ങളിലായി ആകെ 660 ഒഴിവുകളാണുള്ളത്. എൻജിനീയറിങ് മേഖലയിലും അഡ്മിനിസ്ട്രേഷൻ വിഭാഗത്തിലും ജോലി ആഗ്രഹിക്കുന്നവർക്ക് ഇതൊരു മികച്ച അവസരമാണ്.
ഒഴിവുകളുടെ വിശദവിവരങ്ങള്
Whatsapp Group 1 | Whatsapp Group 2 |Telegram Group
ആകെ 660 ഒഴിവുകളില് ഭൂരിഭാഗവും ഡിപ്ലോമ ട്രെയിനി വിഭാഗത്തിലാണ്.
ഡിപ്ലോമ ട്രെയിനി (ഇലക്ട്രിക്കല്/സിവില്): 465 ഒഴിവുകള്.
ഡിപ്ലോമ ട്രെയിനി (സിവില്): 104 ഒഴിവുകള്.
ജൂനിയർ ഓഫീസർ ട്രെയിനി (HR): 30 ഒഴിവുകള്.
ജൂനിയർ ഓഫീസർ ട്രെയിനി (F&A): 23 ഒഴിവുകള്.
ജൂനിയർ ടെക്നീഷ്യൻ ട്രെയിനി (സർവേ): 23 ഒഴിവുകള്.
ഡിപ്ലോമ ട്രെയിനി (സർവേ): 3 ഒഴിവുകള്.
പ്രധാന തീയതികള്
ഈ തസ്തികകളിലേക്ക് ഓണ്ലൈനായി അപേക്ഷിക്കാനുള്ള ലിങ്ക് 2026 ഏപ്രില് 20-ന് വൈകിട്ട് 5 മണി മുതല് ഔദ്യോഗിക വെബ്സൈറ്റില് ലഭ്യമാകും. അപേക്ഷ സമർപ്പിക്കേണ്ട അവസാന തീയതി 2026 മെയ് 11 ആണ്. അപേക്ഷാ ഫീസ് അടയ്ക്കേണ്ട അവസാന തീയതിയും മെയ് 11 തന്നെയാണ്.
യോഗ്യതയും തിരഞ്ഞെടുപ്പും
ഓരോ തസ്തികയ്ക്കും അനുസരിച്ചുള്ള വിദ്യാഭ്യാസ യോഗ്യതയും പ്രായപരിധിയും വിജ്ഞാപനത്തില് വ്യക്തമാക്കിയിട്ടുണ്ട്. ഉദ്യോഗാർത്ഥികള്ക്ക് ഔദ്യോഗിക വെബ്സൈറ്റില് നിന്ന് പിഡിഎഫ് (PDF) രൂപത്തിലുള്ള വിജ്ഞാപനം ഡൗണ്ലോഡ് ചെയ്ത് കൂടുതല് വിവരങ്ങള് പരിശോധിക്കാവുന്നതാണ്. എഴുത്തുപരീക്ഷ, കമ്പ്യൂട്ടർ അധിഷ്ഠിത ടെസ്റ്റ് (CBT) എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ് നടക്കുക.
എങ്ങനെ അപേക്ഷിക്കാം
താല്പര്യമുള്ള ഉദ്യോഗാർത്ഥികള് പവർ ഗ്രിഡിന്റെ ഔദ്യോഗിക പോർട്ടലായ https://www.powergrid.in/en/ സന്ദർശിച്ച് ‘Careers’ വിഭാഗം വഴി ഓണ്ലൈനായി അപേക്ഷ സമർപ്പിക്കണം. കൃത്യമായ വിവരങ്ങളും ആവശ്യമായ രേഖകളും അപ്ലോഡ് ചെയ്ത് നിശ്ചിത സമയപരിധിക്കുള്ളില് അപേക്ഷ പൂർത്തിയാക്കേണ്ടതാണ്. കേന്ദ്ര സർക്കാർ ജോലി ആഗ്രഹിക്കുന്ന കേരളത്തിലെ ഉദ്യോഗാർത്ഥികള്ക്കും ഈ അവസരം പ്രയോജനപ്പെടുത്താം.
