മലപ്പുറം: മലപ്പുറം മൂത്തേടത്ത് യുവാവിനു പാമ്പുകടിയേറ്റു.
ചെമ്മന്തിട്ട സ്വദേശി സനീഷിനാണ് പാമ്പുകടിയേറ്റത്. പശുവിന് പുല്ലരിയുന്നതിനിടയിലാണ് പാമ്പിന്റെ കടിയേറ്റത്.
സനീഷിനെ നിലമ്പൂർ ജില്ലാ ആശുപത്രിയില് പ്രവേശിപ്പിച്ചു. സംസ്ഥാനത്ത് പാമ്പുകടിയേറ്റുള്ള മരണങ്ങള് വർധിച്ചുവരികയാണ്.
ചൂട് വർധിച്ചുവരുന്ന സാഹചര്യത്തിലാണ് പാമ്പുകടിയേറ്റുള്ള മരണം റിപ്പോർട്ട് ചെയ്യപ്പെടുന്നത്.
Whatsapp Group 1 | Whatsapp Group 2 |Telegram Group
കേരളത്തില് വേനല് കടുക്കുന്നതോടെ അന്തരീക്ഷ താപനില റെക്കോർഡ് വേഗത്തിലാണ് ഉയരുന്നത്. കഠിനമായ ചൂടില് നിന്ന് രക്ഷനേടാൻ മനുഷ്യർ തണല് തേടുമ്പോള്, പ്രകൃതിയിലെ മറ്റ് ജീവജാലങ്ങളും സമാനമായ അവസ്ഥയിലൂടെയാണ് കടന്നുപോകുന്നത്.
ഈ സാഹചര്യത്തില് മാളങ്ങളിലും കുറ്റിക്കാടുകളിലും കഴിയുന്ന പാമ്പുകള് തണുപ്പ് തേടി ജനവാസ മേഖലകളിലേക്കും വീടുകള്ക്കുള്ളിലേക്കും എത്തിപ്പെടാനുള്ള സാധ്യത വളരെ കൂടുതലാണ്. പ്രത്യേകിച്ച് വേനല് മഴയ്ക്ക് ശേഷം ഈ പ്രവണത വർദ്ധിക്കാറുണ്ട്. കിണറുകള്, നനവുള്ള കുളിമുറികള്, ചെടിച്ചട്ടികള്ക്കിടെ എന്നിവടങ്ങളിലെല്ലാം പാമ്പുകളുടെ സാന്നിധ്യം പ്രതീക്ഷിക്കാം.
