മദ്യപസംഘം വീട് കയറി ആക്രമിച്ചു ; പരിക്കേറ്റ പരിപ്പ് സ്വദേശിയായ യുവാവ് കോട്ടയം മെഡിക്കൽ കോളേജിൽ ചികിത്സയിൽ ; കണ്ടാൽ അറിയാവുന്ന 4 പേർക്കെതിരെ പോലീസിൽ പരാതി നൽകി

പരിപ്പ് : മദ്യപസംഘം വീട് കയറി യുവാവിനെ ആക്രമിച്ചു. കഴിഞ്ഞ ദിവസം രാത്രിയാണ് ഒരു സംഘം ആളുകൾ പരിപ്പ് മണ്ണൂപറമ്പിൽ ആഗ്നൽ ജോസഫിനെ വീടുകയറി ആക്രമിച്ചത്.

മർദ്ദനത്തിൽ പരിക്കേറ്റ ആഗ്നൽ പോലീസിനെ വിളിച്ചാണ് ആക്രമണത്തിൽ നിന്ന് രക്ഷപെട്ടത്. തുടർന്ന് മെഡിക്കൽ കോളേജിൽ ചികിത്സ തേടി.

നാലാത്ര റോഡിലും പരിസരപ്രദേശങ്ങളിലും സാമൂഹ്യവിരുദ്ധ ശല്യം കൂടിയതിനെ തുടർന്ന് കഴിഞ്ഞദിവസങ്ങളിൽ പോലീസ് പട്രോളിങ് ശക്തമാക്കിയിരുന്നു.

ആഗ്നൽ നൽകിയ പരാതിയെ തുടർന്നാണ് പോലീസ് പട്രോളിങ് ഏർപ്പെടുത്തിയിരിക്കുന്നതെന്ന് തെറ്റിദ്ധരിച്ചതാകാം ആക്രമണത്തിന് പിന്നിലെന്ന് ആഗ്നൽ. കണ്ടാൽ അറിയാവുന്ന 4 പേർക്കെതിരെ പരാതി നൽകി.