ക്ഷേത്രത്തിലെ കാണിക്കവഞ്ചി കവർന്ന കേസിൽ മൂന്ന് പേരെ പോലീസ് അറസ്റ്റ് ചെയ്തു; ഇതിൽ രണ്ടുപേർ പ്രായപൂർത്തിയാകാത്തവരാണ്

ആലപ്പുഴ: മുഹമ്മ പുത്തനമ്പലം ക്ഷേത്രത്തിൽ കാണിക്കവഞ്ചി കവർന്നവരെ പൊലീസ് പിടികൂടി. മൂന്ന് പേരാണ് കസ്റ്റഡിയിലായത്. ഇതിൽ രണ്ട് പേർ പ്രായപൂർത്തിയാകാത്തവരാണ്.

മറ്റൊരു പ്രതിയായ പാണാവള്ളി പഞ്ചായത്ത് 17-ാം വാർഡിൽ പുളിത്തറ നികർത്തിൽ വീട്ടിൽ ലക്ഷ്മണന്റെ മകൻ ജ്യോതി കൃഷ്ണനെ (18) ചേർത്തല 11-ാം മൈലിൽ വെച്ചാണ് മുഹമ്മ പൊലീസ് അറസ്റ്റ് ചെയ്തത്.

ആലപ്പുഴ ഡിവൈഎസ്‌പി മധു ബാബു, സി ഐ ലൈസാദ് മുഹമ്മദ്, മുഹമ്മ എസ് ഐ സജിമോൻ, മനോജ് കൃഷ്ണൻ, അരുൺ കുമാർ, രതീഷ്, ഗിരീഷ്, ഹോംഗാർഡ് പുഷ്പൻ എന്നിവരുടെ സംഘമാണ് പ്രതികളെ പിടികൂടിയത്.