അനധികൃത മദ്യ വിൽപ്പന: വിൽപ്പനയും നിർമ്മാണവും വീടിനുള്ളിൽ, 15 ലിറ്റർ ചാരായവും വാറ്റുപകരണങ്ങളും പോലീസ് പിടികൂടി

തിരുവനന്തപുരം: കാട്ടാക്കടയിൽ അനധികൃത ചാരായ വിൽപ്പന പോലീസ് പിടികൂടി. കാട്ടാക്കട കരിയംകോട് സ്വദേശി വിജയനെയാണ് പോലീസ് അറസ്റ്റ് ചെയ്തത്.

വീടിൻ്റെ ഹാളിൽ ആയിരുന്നു ചാരായ നിർമ്മാണത്തിനുള്ള സജ്ജീകരണങ്ങൾ ഒരുക്കിയത്. പ്രതിയുടെ വീട്ടിൽ നിന്ന് വിൽപ്പനയ്ക്ക് തയ്യാറാക്കിയ 80 ലിറ്റർ കോടയും വാഷും 15 ലിറ്റർ ചാരായവും വാറ്റുപകരണങ്ങളും കണ്ടെടുത്തു.

രഹസ്യ വിവരത്തിൻ്റെ അടിസ്ഥാനത്തിൽ പോലീസ് നടത്തി പരിശോധനയിലാണ് പ്രതി പിടിയിലായത്. കാട്ടാക്കട എസ് എച്ച് ഒ മൃദുൽ കുമാർ, എസ് ഐ മനോജ്‌, ഗ്രേഡ് എസ്ഐ ഷഫീർ ലാബ്ബ എന്നിവരുടെ നേതൃത്വത്തിലാണ്‌ പരിശോധന നടത്തിയത്. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.