പടക്കത്തിന്റെ മുകളിൽ കയറിയിരുന്നു പൊട്ടിച്ചാൽ ഓട്ടോ റിക്ഷാ സമ്മാനം: സുഹൃത്തുക്കളുമായി ബെറ്റു വെച്ച്‌ പടക്കത്തിന് മുകളില്‍ കയറിയിരുന്ന് തീകൊളുത്തി; പൊട്ടിച്ചിതറി യുവാവ്: സുഹൃത്തുക്കൾ പിടിയിൽ
ബംഗളുരു: ആഘോഷങ്ങളുടെ ഭാഗമായിട്ടാണ് പടക്കം പൊട്ടിക്കാറുള്ളത്. എന്നാല്‍ അത് ചിലപ്പോള്‍ വൻ ദുരന്തത്തിനും കാരണമാകാറുണ്ട്.
വിവേക ശൂന്യമായ പ്രതിവർത്തികൊണ്ട് അത്തരത്തിലൊരു ദുരന്തത്തിനിരയായിരിക്കുകയാണ് 32 വയസുകാരനായ ശബരീഷ് എന്ന യുവാവ്. സുഹൃത്തുക്കളുമായി ബെറ്റ് വച്ച്‌ പടക്കത്തിന് മുകളില്‍ കയറിയിരുന്ന് യുവാവ് തീകൊളുത്തുകയായിരുന്നു. സംഭവത്തിന്റെ വീഡിയോ ദൃശ്യങ്ങള്‍ പുറത്തുവന്നിട്ടുണ്ട്.
ദീപാവലി ദിവസം രാത്രിയായിരുന്നു സംഭവം. രാത്രി എല്ലാവരും മദ്യപിച്ച ശേഷം പടക്കം പൊട്ടിക്കാൻ തുടങ്ങി. ഇതിനിടെയായിരുന്നു ബെറ്റ് വെച്ചത്. ശക്തിയേറിയ പടക്കത്തിന് തീ കൊടുത്ത ശേഷം കാർഡ് ബോർഡ് കൊണ്ട് മൂടി അതിന് മുകളില്‍ ഇരിക്കണമെന്നായിരുന്നു ആവശ്യം.
Whatsapp Group 1 | Whatsapp Group 2 |Telegram Group
ഇങ്ങനെ ചെയ്താല്‍ ഒരു പുതിയ ഓട്ടോറിക്ഷയായിരുന്നു സുഹൃത്തുക്കള്‍ സമ്മാനമായി പറ‌ഞ്ഞിരുന്നത്. ശബരീഷ് ഈ വെല്ലുവിളി ഏറ്റെടുക്കാൻ തയ്യാറായി.
ചതുരാകൃതിയിലുള്ള ഒരു പെട്ടിക്ക് മുകളില്‍ ശബരീഷ് ഇരിക്കുന്നത് വീഡിയോയില്‍ കാണാം. സുഹൃത്തുക്കള്‍ ആദ്യം ഒപ്പം നില്‍ക്കുന്നു. ഒരാള്‍ പടക്കത്തിന് തീ കൊളുത്തിയ ശേഷം എല്ലാവരും ഓടി മാറി.
അല്‍പ നേരം കഴിഞ്ഞ് പടക്കം പൊട്ടി. പിന്നാലെ സുഹൃത്തുക്കള്‍ തിരിച്ചെത്തി. കുറച്ച്‌ നേരം പെട്ടിയുടെ മുകളില്‍ തന്നെ ഇരിക്കുന്ന യുവാവ് പിന്നീട് കുഴഞ്ഞ് റോഡിലേക്ക് വീഴുന്നതാണ് വീഡിയോയിലുള്ളത്.
സ്‍ഫോടനത്തിന്റെ ആഘാതത്തില്‍ യുവാവിന്റെ ആന്തരിക അവയവങ്ങള്‍ക്ക് ക്ഷതം സംഭവിച്ചതായാണ് റിപ്പോർട്ടുകള്‍. ഇത് മരണ കാരണമായിട്ടുണ്ടാവണം. പൊലീസ് കേസ് രജിസ്റ്റ‍ർ ചെയ്തു. ശബരീഷിന്റെ ആറ് സുഹൃത്തുക്കളെ പൊലീസ് പിടികൂടി. ഇവരെ കോടതിയില്‍ ഹാജരാക്കിയതായി സൗത്ത് ബംഗളുരു ഡെപ്യൂട്ടി കമ്മീഷണർ ലോകേഷ് ജഗലസർ പറഞ്ഞു.
