കളിക്കുന്നതിനിടെ കാറില്‍ കുടുങ്ങി ; നാല് കുട്ടികള്‍ ശ്വാസം മുട്ടി മരിച്ചു ; ദാരുണമായി മരിച്ചത് രണ്ട് വയസിനും ഏഴ് വയസിനും ഇടയില്‍ പ്രായമുള്ള കുട്ടികൾ

സ്വന്തം ലേഖകൻ

ഗുജറാത്ത്: കളിക്കുന്നതിനിടെ കാറില്‍ കുടുങ്ങിയ നാല് കുട്ടികള്‍ മരിച്ചു. ഗുജറാത്തിലെ ആംറേലി ജില്ലയിലെ റന്തിയ ഗ്രാമത്തില്‍ ശനിയാഴ്ചയാണ് നടുക്കുന്ന സംഭവമുണ്ടായത്. രണ്ട് വയസിനും ഏഴ് വയസിനും ഇടയില്‍ പ്രായമുള്ള കുട്ടികളാണ് ദാരുണമായി മരിച്ചത്.

സംഭവത്തെ കുറിച്ച് പോലീസ് പറയുന്നത് ഇങ്ങനെ: കുട്ടികളുടെ മാതാപിതാക്കള്‍ രാവിലെ ഏഴരയോടെ സമീപത്തെ ഫാമില്‍ ജോലിക്കായി പോയി. ഇവരുടെ ഏഴ് മക്കളെ തനിച്ച് വീട്ടിലാക്കിയാണ് ജോലിക്ക് പോയത്. കുട്ടികളില്‍ നാലുപേര്‍ കളിക്കുന്നതിനിടെ വീടിന് സമീപം പാര്‍ക്ക് ചെയ്തിരുന്ന ഫാം ഉടമയുടെ കാറിനുള്ളില്‍ കയറുകയായിരുന്നു.

പിന്നീട് ഫാം ഉടമയും കുട്ടികളുടെ മാതാപിതാക്കളും തിരികെ വന്നപ്പോഴാണ് കാറിനുള്ളില്‍ മൃതദേഹങ്ങള്‍ കണ്ടത്. അംറേലി പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.