കാണാതായ വയോധികനെ തോട്ടില്‍ മരിച്ച നിലയില്‍ കണ്ടെത്തി

തൃശൂർ: കയ്പമംഗലം പള്ളിനടയില്‍ കാണാതായ ആളെ തോട്ടില്‍ മരിച്ച നിലയില്‍ കണ്ടെത്തി.

കയ്പമംഗലം പന്ത്രണ്ടിന് കിഴക്ക് ഭാഗം ചാച്ചാജി റോഡില്‍ കുറുപ്പംപുരക്കല്‍ മാമു (89) ആണ് മരിച്ചത്. ഇന്നലെ വൈകീട്ട് അഞ്ച് മുതലാണ് ഇദ്ദേഹത്തെ കാണാതായത്.

ബന്ധുക്കളും നാട്ടുകാരും ചേർന്ന് ഏറെ നേരം തിരച്ചില്‍ നടത്തിയെങ്കിലും കണ്ടെത്താനായില്ല. ഇന്ന് രാവിലെ ഏഴരയോടെയാണ് വീടിനടുത്തുള്ള തോട്ടില്‍ മരിച്ച നിലയില്‍ കണ്ടെത്തിയത്.