ഐഎച്ച്ആർഡി സെപ്റ്റംബറിൽ നടത്തിയ പരീക്ഷകളുടെ ഫലം പ്രസിദ്ധീകരിച്ചു; ഐ.എച്ച്.ആർ.ഡി. വെബ്സൈറ്റ് വഴിയും പരീക്ഷാ കേന്ദ്രങ്ങളിലും പരീക്ഷാഫലം അറിയാം

കോട്ടയം: കേരള സർക്കാർ സ്ഥാപനമായ ഐഎച്ച്ആർഡി സെപ്റ്റംബറിൽ നടത്തിയ ഒന്നും രണ്ടും സെമസ്റ്റർ പോസ്റ്റ് ഗ്രാജ്വേറ്റ് ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻസ്(പി.ജി.ഡി.സി.എ), ഒന്നും രണ്ടും സെമസ്റ്റർ ഡിപ്ലോമ ഇൻ ഡേറ്റാ എൻട്രി ടെക്നിക്ക്സ് ആൻഡ് ഓഫീസ് ഓട്ടോമെഷൻ(ഡി.സി.റ്റി.ഒ), ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻസ് (ഡി.സി.എ), സർട്ടിഫിക്കറ്റ് കോഴ്സ് ഇൻ ലൈബ്രറി ആൻഡ് ഇൻഫർമേഷൻ സയൻസ് (സി.സി.എൽ.ഐ.എസ്) എന്നീ കോഴ്സുകളുടെ പരീക്ഷാഫലം പ്രസിദ്ധീകരിച്ചു.

പരീക്ഷാ ഫലം അതത് പരീക്ഷാ കേന്ദ്രങ്ങളിൽ നിന്നറിയാം. ഐ.എച്ച്.ആർ.ഡി. വെബ്സൈറ്റിലും (www.ihrd.ac.in) പ്രസിദ്ധീകരിച്ചിട്ടുണ്ട്.

പുനർ മൂല്യനിർണയത്തിനുള്ള അപേക്ഷകൾ പിഴയില്ലാതെ നവംബർ 12 വരെയും 200 രൂപ പിഴയോടുകൂടി 15 വരെയും നൽകാം.

സപ്ലിമെന്ററി പരീക്ഷയ്ക്കായുള്ള പ്രത്യേകാനുമതി ആവശ്യമുള്ളവർ നവംബർ ഏഴിനു മുമ്പായും 200 രൂപ പിഴയോടെ 11-നു മുമ്പായും നൽകണം.