കോട്ടയം എസ് എൻ ഡി പി യൂണിയനിലെ മൈക്രോ ഫിനാൻസ് തട്ടിപ്പ്: പണം നഷ്ടപ്പെട്ടവർക്ക് ആശങ്ക വേണ്ട: ബാങ്ക് ബാധ്യത പരിഹരിച്ചതായി തുഷാർ വെള്ളാപ്പള്ളി

സ്വന്തം ലേഖകൻ

കോട്ടയം: കോട്ടയം എസ് എൻ ഡി പി യൂണിയൻ ഭാരവാഹികൾ നടത്തിയ മൈക്രോ ഫിനാൻസ് തട്ടിപ്പിൽ പണം നഷ്ടപ്പെട്ടവർ ആശങ്കപ്പെടേണ്ടതില്ലന്ന് തുഷാർ വെള്ളാപ്പള്ളി.

ബാങ്ക് ബാധ്യത പൂർണമായും പരിഹരിക്കുന്നതിനുള്ള നടപടി സ്വീകരിച്ച ശേഷമാണ് അദ്ദേഹം അഡ്മിനിസ്ട്രേറ്റീവ് കമ്മിറ്റി ചെയർമാനായത്.

ലോക്സഭാ തിരഞ്ഞെടുപ്പിൽ കോട്ടയത്ത് മത്സരിക്കുമ്പോൾ മൈക്രോ ഫിനാൻസ് ബാധ്യത തീർക്കുമെന്ന ഉറപ്പ് നൽകിയിരുന്നു.

ഈ ഉറപ്പ് പാലിച്ചാണ് ചുമതലയേറ്റത്. ഇക്കാര്യത്തിൽ ഇനി ആർക്കും ആശങ്ക വേണ്ട എന്ന് തുഷാർ വെള്ളാപ്പള്ളി വ്യക്തമാക്കി.