ടാക്സി ഡ്രൈവറായി മോഹൻലാൽ ; താരത്തിന്റെ 360-ാമത്തെ ചിത്രം ‘L360’ ‘അവസാനഘട്ടത്തിലേക്ക്
സ്വന്തം ലേഖകൻ
എം.രഞ്ജിത്ത് നിര്‍മിച്ച് രജപുത്രാ വിഷ്വല്‍ മീഡിയയുടെ ബാനറില്‍ തരുണ്‍ മൂര്‍ത്തി സംവിധാനം ചെയ്യുന്ന, മോഹന്‍ലാല്‍ നായകനാകുന്ന 360-ാമത്തെ ചിത്രം കൂടിയായ L360 എന്ന് താത്കാലികമായി പേരിട്ടിരിക്കുന്ന പുതിയ ചിത്രത്തിന്റെ അവസാനഘട്ടചിത്രീകരണം ചെന്നൈയില്‍ ആരംഭിച്ചു. ഇതോടെ ചിത്രത്തിൻറെ മൂന്നു ദിവസം നീണ്ടുനില്‍ക്കുന്ന ചിത്രീകരണമാണ് നടക്കുന്നതെന്ന് നിര്‍മ്മാതാവായ എം.രഞ്ജിത്ത് പറഞ്ഞു.
ചെന്നൈയില്‍ ചിത്രീകരിക്കുന്നത് ചിത്രത്തിലെ അതിനിര്‍ണായകമായ ചില രംഗങ്ങളാണ്. ക്ലൈമാക്‌സ് ഉള്‍പ്പെടെയുള്ള നിര്‍ണായകമായ രംഗങ്ങളാണ് ഷെഡ്യൂളില്‍ ഉള്‍പ്പെടുത്തിയിരിക്കുന്നത്.
Whatsapp Group 1 | Whatsapp Group 2 |Telegram Group
വലിയതാരനിരയുടെ അകമ്പടിയോടെയാണ് ഫാമിലി ആക്ഷന്‍ ഡ്രാമ ജോണറിലുള്ള ഈ ചിത്രം വന്‍ മുതല്‍മുടക്കില്‍ വിശാലമായ കാന്‍വാസ്സില്‍ എത്തുക. മോഹൻലാൽ , ശോഭന എന്നിവർക്കൊപ്പംഫർഹാൻ ഫാസിൽ, മണിയൻപിള്ള രാജു, ബിനു പപ്പു,നന്ദു, ഇർഷാദ്, അർഷാബൈജു, തോമസ് മാത്യു, പ്രകാശ് വർമ്മ, കൃഷ്ണ പ്രഭ, അരവിന്ദ്, എന്നിവരാണ് മറ്റുകഥാപാത്രങ്ങളെ അവതരിപ്പിക്കുന്നത്.
വളരെ സാധാരണക്കാരനായ ഒരു ടാക്സി ഡ്രൈവറുടെ കഥാപാത്രമായി ഈ ചിത്രത്തില്‍ മോഹന്‍ലാലിനെ കാണാനാകും. അദ്ദേഹത്തിന്റെ ജീവിതത്തില്‍ അരങ്ങേറുന്ന ചില സംഭവങ്ങള്‍ പിന്നീട് വലിയ തലങ്ങളിലേക്കു കൂടി സഞ്ചരിക്കുന്നു. സാധാരണക്കാരുടെ ജീവിതവുമായി ബന്ധപ്പെട്ടാണ് ഈ ചിത്രത്തിന്റെ കഥാ പുരോഗതി. കെ.ആർ. സുനിലിൻ്റെ കഥക്ക് തരുൺ മൂർത്തിയും, കെ.ആർ. സുനിലും ചേർന്ന് തിരക്കഥ രചിച്ചിരിക്കുന്നു.
