പുതുപ്പള്ളി മണ്ഡലത്തെ മന്ത്രിമാർ അവഗണിക്കുന്നു, മണ്ഡലത്തിൽ നടക്കുന്ന സർക്കാർ പരിപാടികളിൽ നിന്നും എംഎൽഎയെ തുടർച്ചയായി മാറ്റിനിർത്തുന്നു ; പ്രതിഷേധ സൂചകമായി കറുത്ത ഷർട്ട് ധരിച്ച് നിയമസഭയിലെത്തി ചാണ്ടിഉമ്മൻ എം എൽ എ

കോട്ടയം : പുതുപ്പള്ളി നിയോജക മണ്ഡലത്തിലെ സർക്കാർ പരിപാടികളിൽ നിന്നും തുടർച്ചയായി മാറ്റിനിർത്തുന്നതിൽ പ്രതിഷേധിച്ച് ചാണ്ടി ഉമ്മൻ എം എൽ എ.

പ്രതിഷേധ സൂചകമായി കറുത്ത ഷർട്ട് ധരിച്ചാണ് ചാണ്ടി ഉമ്മൻ എം എൽ എ ഇന്ന് നിയമസഭാ സമ്മേളനത്തിൽ പങ്കെടുത്തത്.

കൂരോപ്പട വില്ലേജ് ഓഫീസ് ഉദ്ഘാടനം ക്ഷണിക്കാതെ നോട്ടീസിൽ പേരുവച്ചതിൽ പ്രതിഷേധിച്ച് യുഡിഎഫ് പ്രവർത്തകർ വില്ലേജ് ഓഫീസിലേക്ക് മാർച്ച് നടത്തിയിരുന്നു.

ചാണ്ടി ഉമ്മനെ അവഗണിക്കുന്നത് തുടർന്നാൽ യു ഡി എഫ് മന്ത്രിമാരെ വഴിയിൽ തടയുമെന്ന് കൺവീനർ കുഞ്ഞ് പുതുശ്ശേരി പറഞ്ഞു.