എംടിയുടെ വീട്ടിലെ മോഷണം ; പാചകക്കാരിയും ബന്ധുവും കസ്റ്റഡിയില്, ചോദ്യം ചെയ്തുവരികയാണെന്ന് പൊലീസ്
കോഴിക്കോട്: സാഹിത്യകാരൻ എംടി വാസുദേവൻ നായരുടെ കോഴിക്കോട് നടക്കാവിലെ വീട്ടിലെ മോഷണത്തില് രണ്ടു പേരെ നടക്കാവ് പൊലീസ് കസ്റ്റഡിയില് എടുത്തു.
എംടിയുടെ വീട്ടിലെ പാചകക്കാരിയായ കരുവിശ്ശേരി സ്വദേശി ശാന്ത, ബന്ധു പ്രകാശൻ എന്നിവരാണ് പിടിയിലായത്. ഇവരെ നടക്കാവ് പോലീസ് സ്റ്റേഷനില് ചോദ്യം ചെയ്തു വരികയാണ്. 26 പവൻ്റെ സ്വർണഭരണങ്ങളാണ് എംടിയുടെ വീട്ടില് നിന്നും കഴിഞ്ഞ ആഴ്ച മോഷണം പോയത്.
കൊട്ടാരം റോഡിലുള്ള വീട്ടില് നിന്നാണ് സ്വർണമുള്പ്പെടെ കളവ് പോയത്. എംടിയുടെ ഭാര്യ സരസ്വതിയുടെ പരാതിയില് നടക്കാവ് പൊലീസ് കേസ് എടുത്ത് അന്വേഷണം തുടങ്ങിയിരുന്നു. സെപ്റ്റംബർ 22നും 30നും ഇടയില് മോഷണം നടന്നുവെന്നാണ് സംശയം. സ്വർണം ബാങ്ക് ലോക്കറിലാണെന്നാണ് സംശയമുണ്ടായിരുന്നത്. എന്നാല് പരിശോധനയില് വീട്ടിലും ലോക്കറിലും ആഭരണങ്ങള് ഇല്ലെന്ന് കണ്ടെത്തുകയായിരുന്നു. മൂന്ന് മാല, വള, കമ്മല്, ഡയമണ്ട് കമ്മലും ലോക്കറ്റും, മരതകം പതിച്ച ലോക്കറ്റുമാണ് മോഷണം പോയവയിലുള്ളത്.
Whatsapp Group 1 | Whatsapp Group 2 |Telegram Group
