ചന്ദ്രന് കൂട്ടായി ഛിന്നഗ്രഹം വരുന്നു :സെപ്തംബർ 29 മുതല്‍ നവംബർ 25 വരെ രണ്ട് മാസത്തേക്കാണ് ഛിന്നഗ്രഹം ഭൂമിയെ വലം വെക്കുക.
ഡൽഹി: ഭൂമിയുടെ ഉപഗ്രഹമായ ചന്ദ്രന് ഒരു കൂട്ടാളി എത്തുമെന്ന് റിപ്പോർട്ട്. താത്കാലികമായി എത്തുന്ന ഈ കൂട്ടാളി ഒരു ഛിന്നഗ്രഹമാണ്.സെപ്തംബർ 29 മുതല്‍ നവംബർ 25 വരെ രണ്ട് മാസത്തേക്കാണ് ഛിന്നഗ്രഹം ഭൂമിയെ വലം വെക്കുക.
ഭൂമിയുടെ ഗുരുത്വാകർഷണ ബലത്തില്‍ അകപ്പെടുന്ന ഛിന്നഗ്രഹത്തിന് 10 മീറ്റർ (33 അടി) മാത്രം വ്യാസമാണുള്ളത്. യൂണിവേഴ്സിഡാഡ് കോംപ്ലൂട്ടൻസ് ഡി മാഡ്രിഡില്‍ നിന്നുള്ള
ഗവേഷകരായ കാർലോസ് ഡിലാഫ്യൂന്റ മാർക്കോസിന്റെയും റൗള്‍ ഡി ലാ ഫ്യൂന്റ മാർക്കോസിന്റെയും പഠനത്തിലാണ് ഛിന്നഗ്രഹത്തിന്റെ സാന്നിധ്യത്തെക്കുറിച്ച്‌ പറയുന്നത്.
Whatsapp Group 1 | Whatsapp Group 2 |Telegram Group
2024 PT5 എന്ന ഈ ഛിന്നഗ്രഹത്തിനെ കണ്ടെത്തിയത് നാസയുടെ ധനസഹായത്തോടെ പ്രവർത്തിക്കുന്ന ആസ്ട്രോയിഡ് ടെറസ്ട്രിയല്‍ ഇംപാക്റ്റ് ലാസ്റ്റ് അലേർട്ട് സിസ്റ്റമാണ് (ATLAS). ഛിന്നഗ്രഹത്തെ പറ്റി മുന്നറിയിപ്പ് നല്‍കുന്ന സംവിധാനമാണിത്.
ഛിന്നഗ്രഹങ്ങള്‍ ഭൂമിയെ വലംവെക്കുന്ന പ്രതിഭാസങ്ങള്‍ ഇതിനു മുമ്പുംസംഭവിച്ചിട്ടുണ്ട്. 1981, 2006, 2022 വർഷങ്ങളില്‍ ഭൂമിയുടെ ഗുരുത്വാകർഷണബലത്തില്‍ സമാന
സംഭവങ്ങള്‍ ഉണ്ടായിട്ടുണ്ട്. 2006ല്‍ ഭൂമിയുടെ ഗുരുത്വാകർഷണത്താല്‍ പിടിച്ചെടുക്കപ്പെട്ട ഒരു ഛിന്നഗ്രഹം ഒരു വർഷം ഭൂമിയെ വലം വെച്ചിരുന്നു.
