സംസ്ഥാനത്ത് സ്വര്ണവില വീണ്ടും കുറഞ്ഞു. ഒരു പവന് സ്വര്ണത്തിന് 200 രൂപ കുറഞ്ഞ് 53,500 രൂപയില് താഴെയെത്തി. 53,360 രൂപയാണ് ഒരു പവന് സ്വര്ണത്തിന്റെ വില. ഒരു ഗ്രാമിന് 6670 രൂപയാണ് വില. ഗ്രാമിന് 25 രൂപയാണ് താഴ്ന്നത്.
20 ദിവസത്തിനിടെ ഏകദേശം 3000 രൂപ വര്ധിച്ച് കഴിഞ്ഞ മാസത്തെ ഏറ്റവും ഉയര്ന്ന നിലവാരമായ 53,720 രൂപയിലേക്ക് എത്തിയ ശേഷമാണ് സ്വര്ണവില കുറയാന് തുടങ്ങിയത്. കഴിഞ്ഞ മാസം 28നാണ് 53,720 രൂപയിലേക്ക് സ്വര്ണവില കുതിച്ചത്. ദിവസങ്ങളുടെ വ്യത്യാസത്തില് സ്വര്ണവിലയില് 360 രൂപയാണ് കുറഞ്ഞത്.
ഓഗസ്റ്റ് മാസത്തിന്റെ തുടക്കത്തില് 51,600 രൂപയായിരുന്നു ഒരു പവന് സ്വര്ണത്തിന്റെ വില. തുടർന്ന് ഏഴിന് 50,800 രൂപയിലേക്ക് ഇടിഞ്ഞ് ഏറ്റവും താഴ്ന്ന നിലവാരത്തിലേക്ക് സ്വര്ണവില എത്തി. തുടര്ന്ന് വില ഉയരുന്നതാണ് ദൃശ്യമായത്.ജൂലൈ മാസം സ്വര്ണവില 55,000 രൂപയായി ഉയര്ന്ന് റെക്കോര്ഡ് നിലവാരത്തിലേക്ക് എത്തിയിരുന്നു. എന്നാല് കേന്ദ്ര ബജറ്റില് കസ്റ്റംസ് തീരുവ കുറച്ചതോടെ സ്വര്ണവിലയില് ദിവസങ്ങളുടെ വ്യത്യാസത്തില് 4500 രൂപയോളമാണ് ഇടിഞ്ഞത്. ശേഷം സ്വര്ണവില തിരിച്ചു കയറുകയായിരുന്നു.
Whatsapp Group 1 | Whatsapp Group 2 |Telegram Group
