കൊപ്രത്ത് ക്ഷേത്രത്തിൻ്റെ ആറാട്ട് കടവിൽ നടന്ന ബലിതർപ്പണത്തിൽ ചലച്ചിത്ര സംവിധായകൻ ജയരാജ് ബലികർമ്മം നിർവ്വഹിച്ചു; ബലിതർപ്പണത്തിൽ നൂറ് കണക്കിന് ഭക്തർ പങ്കെടുത്തു

കോട്ടയം: കൊപ്രത്ത് ആറാട്ട് കടവ് – മുട്ടമ്പലം വിവേകാനന്ദ സേവാസമിതിയുടെ നേതൃത്വത്തിൽ കൊപ്രത്ത് ക്ഷേത്രത്തിൻ്റെ ആറാട്ട് കടവിൽ നടന്ന ബലിതർപ്പണത്തിൽ നൂറ് കണക്കിന് ഭക്തർ പങ്കെടുത്തു.

ചലച്ചിത്ര സംവിധായകൻ ജയരാജും ബലിതർപ്പണത്തിനായി ക്ഷേത്രത്തിലെത്തി കർമ്മം നിർവ്വഹിച്ചു.

കുടമാളൂർ കിഴക്കില്ലത്ത് സുബ്രഹ്മണ്യൻ നമ്പൂതിരി, ഇടമന ഇല്ലത്ത് രഞ്ജു ഈശ്വരൻ നമ്പൂതിരി എന്നിവർ മുഖ്യകാർമ്മികരായി.

എല്ലാ ഭക്തർക്കും ലഘുഭക്ഷണം വിതരണം ചെയ്തു. സേവാസമിതി ഭാരവാഹികൾ ആയ ഡി ശശികുമാർ, പി. രവീന്ദ്രനാഥ്, എം ജി സനൽകുമാർ, ബിന്ദു എന്നിവർ നേതൃത്വം നൽകി.