കുമരകത്തെ പൊട്ടിക്കിറിയ വൈദ്യുതി പോസ്റ്റ് മാറ്റി പുതിയത് സ്ഥാപിച്ചു: തേർഡ് ഐ ന്യൂസ് ഇംപാക്ട്

സ്വന്തം ലേഖകൻ

കുമരകം : നടുവേ പൊട്ടി കീറിയ വൈദ്യുതി പോസ്റ്റ് മാറ്റിയിട്ട് ജനങ്ങളുടെ ആവശ്യം നിറവേറ്റി കുമരകം കെ എസ് ഇ ബി അധികൃതർ.
വാർഡ്-11ൽ ചൊള്ളന്തറക്ക് സമീപം യുവജനക്ഷേമ കേന്ദ്രത്തിന് മുൻവശത്ത് വിള്ളൽ രൂപപ്പെട്ട് ബലക്ഷയം സംഭവിച്ച കോൺക്രീറ്റ് വൈദ്യുതി പോസ്റ്റ് മാറ്റി പുനഃസ്ഥാപിച്ചു.

കഴിഞ്ഞ ദിവസം പോസ്റ്റിൽ വിള്ളൽ രൂപംകൊണ്ട വാർത്ത തേർഡ് ഐ ന്യൂസ് അടക്കം മാധ്യമങ്ങൾ റിപ്പോർട്ട് ചെയ്തിരുന്നു.

ഇതേത്തുടർന്ന് ഇന്നലെ വൈദ്യുതി വകുപ്പ് അധികൃതർ സ്ഥലത്തെത്തി ബലക്ഷയം സംഭവിച്ച പോസ്റ്റ് നീക്കം ചെയ്ത് പുതിയ പോസ്റ്റ് സ്ഥാപിച്ചു. ശക്തമായ കാറ്റിൽ പോസ്റ്റ് ടിഞ്ഞു വീഴാൻ സാധ്യതയുണ്ട് എന്നാണ് നാട്ടുകാർ കെ എസ് ഇ ബി അധികൃതരെ അറിയിച്ചത്.