അര്‍ധരാത്രി ഗോദ്ര സബ് ജയിലില്‍ നാടകീയ നിമിഷങ്ങള്‍; മിനിറ്റുകള്‍ ബാക്കിനില്‍ക്കെ ബില്‍കിസ് ബാനു കേസിലെ പ്രതികള്‍ കീഴടങ്ങി

ഗോദ്ര: ബില്‍ക്കിസ് ബാനു കേസിലെ പ്രതികള്‍ അർധരാത്രി കീഴടങ്ങി.

പ്രതികള്‍ കീഴടങ്ങനായി സുപ്രീം കോടതി നല്‍കിയ സമയപരിധി അവസാനിക്കാൻ മിനിറ്റുകള്‍ ബാക്കിനില്‍ക്കെയാണ് പ്രതികള്‍ ജയിലിലെത്തിയത്.

ഞായറാഴ്ച തന്നെ പ്രതികള്‍ കീഴടങ്ങിയിരിക്കണമെന്നായിരുന്നു സുപ്രീം കോടതിയുടെ ഉത്തരവ്. ഞായറാഴ്ച രാത്രി അവസാനിക്കാൻ മിനിറ്റുകള്‍ മാത്രം ബാക്കിനില്‍ക്കെയാണ് പ്രതികള്‍ കീഴടങ്ങിയത്.

രാത്രി ഏകദേശം 11.45 നാണ് പ്രതികള്‍ ഗോദ്ര സബ് ജയിലില്‍ എത്തിയത്.