ഏപ്രില്‍, മെയ് മാസങ്ങളില്‍ ഉയര്‍ന്ന നിരക്കില്‍ വൈദ്യുതി വാങ്ങാം; കെഎസ്‌ഇബിക്ക് റെഗുലേറ്ററി കമ്മീഷൻ്റെ അനുമതി

തിരുവനന്തപുരം: ഉയർന്ന നിരക്കില്‍ വൈദ്യുതി വാങ്ങുന്നതിന് കെഎസ്‌ഇബിക്ക് റെഗുലേറ്ററി കമ്മീഷൻ്റെ അനുമതി.

ഏപ്രില്‍, മെയ് മാസങ്ങളില്‍ യൂണിറ്റിന് 8 രൂപ 69 പൈസയ്ക്കാണ് വൈദ്യുതി വാങ്ങുന്നതിന് അനുമതി ലഭിച്ചത്.
ഇതില്‍ 200 മെഗാവാട്ട് വൈദ്യുതി ഏപ്രില്‍ മാസത്തിലും 175 മെഗാവാട്ട് വൈദ്യുതി മെയ് മാസത്തിലുമാണ് വാങ്ങുന്നത്.

അതേസമയം കുറഞ്ഞ നിരക്കില്‍ വൈദ്യുതി ലഭ്യമാക്കാൻ മുൻകൂട്ടി ഇടപെടല്‍ നടത്തിയില്ല എന്നതില്‍ കെഎസ്‌ഇബിയെ റെഗുലേറ്ററി കമ്മീഷൻ വിമർശിച്ചു.

വൈദ്യുതി പ്രതിസന്ധി മുന്നില്‍ കാണുന്നതിനും പരിഹരിക്കുന്നതിനും കെഎസ്‌ഇബിക്ക് സാധിച്ചില്ല. വൈദ്യുതി പ്രതിസന്ധി നേരിടാൻ ബോർഡ് പദ്ധതി തയ്യാറാക്കി നല്‍കാനും റെഗുലേറ്ററി കമ്മീഷൻ ഉത്തരവിട്ടു.