ദിപാവലി ആഘോഷങ്ങള്‍ ഗംഭീരമാക്കി അയോധ്യ . മണ്‍ചെരാതുകളില്‍ 22 ലക്ഷം ദീപങ്ങള്‍ ; ലോക റെക്കോര്‍ഡിട്ട് ദീപങ്ങളുടെ ഉത്സവം അയോധ്യയിൽ വിപുലമായി
ഉത്തർപ്രദേശ് : ദിപാവലി ആഘോഷങ്ങള്‍ ഗംഭീരമാക്കി അയോധ്യ. മണ്‍ചെരാതുകളില്‍ 22 ലക്ഷം ദീപങ്ങള്‍ തെളിയിച്ച്‌ ലോക റെക്കോര്‍ഡിട്ടാണ് അയോധ്യ ദീപങ്ങളുടെ ഉത്സവം വിപുലമാക്കിയത്. ആഘോഷങ്ങള്‍ ഗംഭീരമാക്കി അയോധ്യ. മണ്‍ചെരാതുകളില്‍ 22 ലക്ഷം ദീപങ്ങള്‍ തെളിയിച്ച്‌ ലോക റെക്കോര്‍ഡിട്ടാണ് അയോധ്യ ദീപങ്ങളുടെ ഉത്സവം വിപുലമാക്കിയത്.
നിര്‍മ്മാണം പൂര്‍ത്തിയായിക്കൊണ്ടിരിക്കുന്ന രാമക്ഷേത്രവും ദീപങ്ങളാല്‍ അലങ്കരിച്ചു.
51 ഘട്ടങ്ങളിലായാണ് 22.23 ലക്ഷം ദീപങ്ങള്‍ ഒരേസമയം കത്തിച്ചത്. ഇതോടെ മുന്‍ റെക്കോര്‍ഡ് തകര്‍ക്കാന്‍ അയോധ്യയ്ക്ക് കഴിഞ്ഞു. ഗവര്‍ണര്‍ ആനന്ദിബെന്‍ പട്ടേല്‍, മുഖ്യമന്ത്രി യോഗി ആദിത്യനാഥ് എന്നിവരുള്‍പ്പെട്ട ചടങ്ങിലാണ് ലോക റെക്കോര്‍ഡ് പ്രഖ്യാപിച്ചത്. 50 രാജ്യങ്ങളില്‍ നിന്നുള്ള അതിഥികളും ചടങ്ങിനെത്തി. ദീപോത്സവത്തോട് അനുബന്ധിച്ച്‌ സാംസ്‌കാരിക പരിപാടികളും സര്‍ക്കാര്‍ സംഘടിപ്പിച്ചു.
