തോട്ടയ്ക്കാട് ചെമ്പിത്താനം വളവിലെ അനധികൃത റോഡ് കൈയ്യേറ്റം പൊതുമരാമത്ത് വകുപ്പ് പൊളിച്ചു; കൈയ്യേറ്റം ഒഴിപ്പിച്ചത് കൊടും വളവിൽ റോഡ് കൈയ്യേറിയതായി തേർഡ് ഐ ന്യൂസ് പൊതുമരാമത്ത് വകുപ്പ് മന്ത്രിക്ക് പരാതി നല്കിയതിനേ തുടർന്ന് !

സ്വന്തം ലേഖകൻ

കോട്ടയം : കോട്ടയം കറുകച്ചാൽ റോഡിൽ തോട്ടയ്ക്കാടിന് സമീപം അനധികൃതമായി റോഡ് കൈയ്യേറ്റം നടത്തിയത് പിഡബ്ല്യുഡി അധികൃതർ പൊളിച്ചു മാറ്റി.

റോഡ് സൈഡ് പൂർണമായും കൈയേറി ഇന്റർലോക്ക് ഇട്ടിരിക്കുകയായിരുന്നു സമീപത്തെ കെട്ടിട ഉടമ. മറ്റ് വാഹനങ്ങൾ പാർക്ക് ചെയ്യാതിരിക്കാനായി ഇന്റർലോക്കിന് മുകളിൽ കല്ലും അടുക്കി വെച്ചിരുന്നു.

കൈയ്യേറ്റം പൊളിച്ചു മാറ്റുന്നതിന് മുൻപുള്ള ചിത്രങ്ങൾ

തോട്ടയ്ക്കാട് ആശുപത്രി കവലയ്ക്ക് സമീപമുള്ള ചെമ്പിത്താനം പാലം കഴിഞ്ഞായിരുന്നു റോഡ് കയ്യേറ്റം . ഇവിടെ പാലത്തിന് ഇരുവശത്തുമായി കൊടുംവളവാണ്. കോട്ടയം കറുകച്ചാൽ റൂട്ടിൽ ഏറ്റവുമധികം വാഹനാപകടം നടക്കുന്നതും ഇവിടെയാണ്.

കൈയ്യേറ്റം പൊളിച്ചു മാറ്റിയതിനു ശേഷമുള്ള ചിത്രങ്ങൾ

കൊടും വളവിൽ റോഡ് കൈയ്യേറിയെന്നും വൻ അപകടമുണ്ടാകാൻ സാധ്യതയുണ്ടെന്നും പ്രദേശവാസികൾ തേർഡ് ഐ ന്യൂസിനെ അറിയിക്കുകയായിരുന്നു. തുടർന്ന് തേർഡ് ഐ ന്യൂസിൽ നിന്നും കൈയ്യേറ്റത്തിന്റെ ഗൗരവം പൊതുമരാമത്ത് വകുപ്പ് മന്ത്രിയുടെ ശ്രദ്ധയിൽപ്പെടുത്തുകയായിരുന്നു.
തുടർന്നാണ് കൈയ്യേറ്റം രണ്ട് ദിവസത്തിനകം പൊളിച്ച് മാറ്റിയത്