ദുബായില്‍ കാണാതായ മലയാളിയെ ടോയ്‌ലറ്റില്‍ മരിച്ച നിലയില്‍ കണ്ടെത്തി; ദുബായില്‍ എത്തിയത് അടുത്തിടെ സന്ദര്‍ശക വിസയില്‍

സ്വന്തം ലേഖിക

ദുബായ്: ദുബായില്‍ കാണാതായ കോഴിക്കോട് സ്വദേശിയെ ടോയ്‌ലറ്റില്‍ മരിച്ച നിലയില്‍ കണ്ടെത്തി.

എരിഞ്ഞപ്പാലം ബിലാത്തിക്കുളം കെ എസ് എം ബി കോളനിയിലെ താമസക്കാരനായ സഞ്ജയ് രാമചന്ദ്രന്‍ (52) ആണ് മരിച്ചത്.

ഇദ്ദേഹത്തെ ഫെബ്രുവരി 17 മുതല്‍ കാണാനില്ലെന്ന് പറഞ്ഞ് സുഹൃത്തുക്കള്‍ പൊലീസില്‍ പരാതി നല്‍കിയിരുന്നു. തുടര്‍ന്ന് പൊലീസ് നടത്തിയ അന്വേഷണത്തിലാണ് ഇദ്ദേഹത്തെ താമസസ്ഥലത്തെ കുളിമുറിയില്‍ മരിച്ചതായി കണ്ടെത്തിയത്.

ഖത്തറിലായിരുന്ന സഞ്ജയ് സന്ദര്‍ശക വിസയില്‍ അടുത്തിടെയാണ് ദുബായില്‍ എത്തിയത്.
ഇയാധ ബര്‍ദുബെെയിലെ ഐ ടി സ്ഥാപനത്തില്‍ ബിസിനസ് ഡവലപ്‌മെന്റ് മാനേജരായി ജോലി ചെയ്യുകയായിരുന്നു.

സംസ്കാരം വ്യാഴാഴ്ച ദുബായില്‍ നടത്തും. പരേതരായ രാമചന്ദ്രന്‍ മേനോന്‍ ഉമ മേനോന്‍ ദമ്പതികളുടെ മകനാണ്. അവിവാഹിതനാണ്.