പത്തനംതിട്ട: ഗുണമേന്മയില്ലാത്ത സോഡ നിര്മിച്ച് വിറ്റതായി കണ്ടെത്തിയതിനെ തുടര്ന്ന് മരക്കൂട്ടത്ത് പ്രവര്ത്തിച്ചിരുന്ന അയ്യപ്പാസ് സോഡ എന്ന വ്യാപാരസ്ഥാപനത്തിന്റെ ഭക്ഷ്യസുരക്ഷാ ലൈസന്സ് സസ്പെന്ഡ് ചെയ്തു.
സോഡ തീര്ഥാടകര്ക്കും പൊതുജനങ്ങള്ക്കും നല്കുന്നത് പൊതുജനാരോഗ്യത്തിന് ഗുരുതരമായ ഭീഷണിയാകുമെന്ന റിപ്പോര്ട്ടിന്റെ അടിസ്ഥാനത്തിലാണ് പത്തനംതിട്ട ജില്ലാ ഭക്ഷ്യസുരക്ഷാ അസിസ്റ്റന്റ് കമ്മീഷണറുടെ നടപടി.
ഇവിടെ നിന്നും ശേഖരിച്ച സോഡയുടെ സാമ്പിള് തിരുവനന്തപുരം ഗവണ്മെന്റ് അനലിസ്റ്റ്സ് ലബോറട്ടറിയില് നടത്തിയ പരിശോധനയില് അനുവദനീയമായതിലും അധിക അളവില് വെള്ളത്തിലെയും ഭക്ഷ്യവസ്തുക്കളിലെയും ബാക്റ്റീരിയയുടെ അളവിനെ സൂചിപ്പിക്കുന്ന പ്ലേറ്റ് കൗണ്ട് ഉണ്ടെന്ന് കണ്ടെത്തി.
Whatsapp Group 1 | Whatsapp Group 2 |Telegram Group
കൂടാതെ ഈ സ്ഥാപനത്തില് നിന്നും സന്നിധാനം, നിലയ്ക്കല്, പമ്പ എന്നിവിടങ്ങളില് പ്രവര്ത്തിക്കുന്ന വ്യാപാരസ്ഥാപനങ്ങളിലേക്ക് വിതരണം ചെയ്ത സോഡ തിരിച്ചെടുക്കണമെന്നും ഉത്തരവില് പറയുന്നു.
