കോട്ടയത്ത് ഗുണ്ടാസംഘാംഗങ്ങള്‍ തമ്മില്‍ ഏറ്റുമുട്ടല്‍; പതിനഞ്ച് പേര്‍ക്ക് പരിക്ക്; സംഭവത്തില്‍ രണ്ടു കൂട്ടര്‍ക്കും എതിരെ ഗുരുതരമായ വകുപ്പുകള്‍ സഹിതം പൊലീസ് കേസെടുത്തു
കോട്ടയം: കോട്ടയത്ത് ഗുണ്ടാസംഘാംഗങ്ങളായ യുവാക്കള്‍ തമ്മില്‍ ഏറ്റുമുട്ടല്‍. ആര്‍പ്പൂക്കര കരിപ്പയിലാണ് സംഭവം.
ആക്രമണത്തില്‍ പരിക്കേറ്റ പതിനഞ്ച് യുവാക്കളെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്.
സംഭവത്തില്‍ രണ്ടു കൂട്ടര്‍ക്കും എതിരെ ഗുരുതരമായ വകുപ്പുകള്‍ സഹിതം പൊലീസ് കേസെടുത്തു. ഞായറാഴ്ച രാത്രിയോടെയാണ് ആര്‍പ്പൂക്കര കരിപ്പയില്‍ ഗുണ്ടാ സംഘങ്ങള്‍ തമ്മില്‍ ഏറ്റുമുട്ടിയത്. അക്രമത്തില്‍ ഉള്‍പ്പെട്ട യുവാക്കള്‍ക്കെല്ലാം 18 മുതല്‍ 22 വയസ് വരെയാണ് പ്രായം.
Whatsapp Group 1 | Whatsapp Group 2 |Telegram Group
തുടര്‍ന്നു നാട്ടുകാരും, ആശുപത്രി അധികൃതരും വിവരം അറിയിച്ചതോടെയാണ് ഗാന്ധിനഗര്‍ പൊലീസ് സ്ഥലത്ത് എത്തിയത്. തുടര്‍ന്നു അക്രമി സംഘത്തിനെതിരെ കേസെടുത്തു.
ഗാന്ധിനഗറില്‍ പൊലീസ് സംഘം ക്രിമിനലുകള്‍ക്കെതിരെ ശക്തമായ നടപടി തുടരുകയാണ്. ഇതിന്റെ ഭാഗമായി ഗുണ്ടാ സംഘങ്ങളെ എല്ലാം കാപ്പ അടക്കമുള്ള ഗുരുതരമായ വകുപ്പുകള്‍ ചുമത്തി ജയിലില്‍ അടച്ചിട്ടുണ്ട്.
