ആലപ്പുഴയില്‍ ബസില്‍ വെച്ച് പൊലീസുകാരൻ്റെ പിസ്റ്റള്‍ മോഷ്ടിച്ചു; കണ്ടെടുത്തത് യുവതിയുടെ ബാഗില്‍ നിന്ന്; മൂന്ന് പേര്‍ പിടിയില്‍

സ്വന്തം ലേഖിക

ആലപ്പുഴ: ആലപ്പുഴയില്‍ സ്വകാര്യ ബസില്‍ വെച്ച്‌ പൊലീസുകാരൻ്റെ പിസ്റ്റള്‍ മോഷ്ടിച്ച സംഭവത്തില്‍ യുവതിയടക്കം മൂന്നു പേര്‍ പിടിയിൽ.

പുന്നപ്ര സ്വദേശി സന്ധ്യ, ആലപ്പുഴ പോഞ്ഞിക്കര സ്വദേശി യദുകൃഷ്ണന്‍ , വടുതല സ്വദേശി ആൻ്റണി എന്നിവരാണ് പിടിയിലായത്.
കോടതിയില്‍ ഹാജരാക്കിയ ശേഷം പ്രതിയെ ജയിലിലേക്ക് കൊണ്ടു പോകുമ്പോഴായിരുന്നു മോഷണം.

ആലപ്പുഴ ബീച്ചില്‍ നിന്നാണ് ഇവരെ പിടികൂടിയത്. മോഷ്ടിച്ച പിസ്റ്റള്‍ കിട്ടിയത് യുവതിയുടെ ബാഗില്‍ നിന്നാണ്.