അടിച്ചു പൂസായി നടുറോഡിൽ കാർ പാർക്ക് ചെയ്ത് ഉറക്കം, ; ഏറ്റുമാനൂർ നൂറ്റൊന്നുകവലയിൽ ​ഗതാ​ഗത തടസ്സം സൃഷ്ടിച്ച് മുക്കുടിയൻ ഡ്രൈവർ; വെട്ടിലായി യാത്രക്കാരും പൊലീസും

കോട്ടയം: അടിച്ചു പൂസായി നടുറോഡിൽ കാർ പാർക്ക് ചെയ്ത് ഉറങ്ങുന്ന മദ്യപൻ നാട്ടുകാർക്കും പൊലീസിനും പണിയായി.

ബുധനാഴ്ച രാത്രി 7.30ഓടെയാണ് ഏറ്റുമാനൂർ നൂറ്റെന്നുകവലയിൽ അടിച്ചു പൂസായി റോഡിന്റെ നടുവിൽ കാർ പാർക്ക് ചെയ്തത്. സംഭവം കണ്ട നാട്ടുകാർ കാറിനടുത്തെത്തിയപ്പോഴാണ് വെള്ളമടിച്ച് ബോധം പോയി കാർ പാർക്ക് ചെയ്തതാണെന്ന് മനസിലായത്.

സ്ഥലത്ത് ​ഗതാ​ഗത തടസ്സം ഉണ്ടായതോടെ നാട്ടുകാർ ഏറ്റുമാനൂർ പൊലീസിൽ വിവരമറിയിച്ചു. ഉടൻതന്നെ പൊലീസ് സ്ഥലത്തെത്തി കാർ യാത്രികനെ ഉണർത്താനുള്ള ശ്രമങ്ങൾ നടത്തിയെങ്കിലും ഫലം കണ്ടില്ല. പ്രശ്ന പരിഹാരത്തിന് ശ്രമം നടക്കുകയാണ്

റോങ്ങ് സൈഡിലാണെങ്കിലും വാഹനം നിർത്തിയാതിനാൽ വൻദുരന്തമാണ് ഒഴിവായത്.

ഏറ്റുമാനൂർ നൂറ്റൊന്നുകവലയിൽ എച്ച് പി യുടെപെട്രോൾ പമ്പിന് സമീപമാണ് സംഭവം