വിമാനത്തിനുള്ളിലെ പ്രതിഷേധം: യൂത്ത്‌കോണ്‍ഗ്രസ് പ്രവര്‍ത്തകര്‍ മദ്യപിച്ചെത്തിയെന്ന ഇ.പി.ജയരാന്റെ വാദം പൊളിയുന്നു; പ്രാഥമിക പരിശോധനയിൽ പ്രതിഷേധക്കാര്‍ മദ്യപിച്ചതായി കണ്ടെത്തിയില്ല
സ്വന്തം ലേഖിക
കൊച്ചി :വിമാനത്തിനുള്ളിലെ പ്രതിഷേധത്തില്‍ പങ്കെടുത്ത യൂത്ത്‌കോണ്‍ഗ്രസ് പ്രവര്‍ത്തകര്‍ മദ്യപിച്ചാണ് എത്തിയതെന്ന ഇ.പി.ജയരാജന്റെ വാദം പൊളിയുന്നു. വിമാനത്താവളത്തിലെ പ്രാഥമിക പരിശോധനയിൽ പ്രതിഷേധക്കാര്‍ മദ്യപിച്ചതായി കണ്ടെത്തിയില്ല.ഇന്നലെ മുഖ്യമന്ത്രിക്കെതിരെ വിമാനത്തില്‍ പ്രതിഷേധമുണ്ടായതിന് പിന്നാലെ എല്‍ഡിഎഫ് കണ്‍വീനര്‍ ഇ.പി.ജയരാജന്‍ പറഞ്ഞ കാര്യം പ്രതിഷേധക്കാര്‍ മദ്യപിച്ചിരുന്നു എന്നുള്ള കാര്യമാണ്.
അപ്പോള്‍ തന്നെ യൂത്ത്‌കോണ്‍ഗ്രസ് ഇവരുടെ വൈദ്യ പരിശോധന നടത്തണമെന്ന് ആവശ്യപ്പെട്ടിരുന്നു. അതേസമയം, വിമാനത്താവളത്തില്‍ പ്രാഥമിക ശുശ്രൂഷനല്‍കിയ ഡോക്ടറോ മെഡിക്കല്‍ കോളജില്‍ നടത്തിയ വിശദപരിശോധനയിലോ പ്രതികള്‍ മദ്യപിച്ചതായി ഇതുവരെ കണ്ടെത്തിയില്ല.
Whatsapp Group 1 | Whatsapp Group 2 |Telegram Group
അതിനാല്‍ തന്നെ ഇ.പി.ജയരാന്റെ വാദം പൊളിയുന്നുവെന്നാണ് മനസിലാക്കാന്‍ കഴിയുന്നത്. മുഖ്യമന്ത്രിയെ അപായപ്പെടുത്തുന്നതിനായി യൂത്ത്‌കോണ്‍ഗ്രസ് പ്രവര്‍ത്തകര്‍ മദ്യപിച്ചെത്തുകയായിരുന്നുവെന്നാണ് എല്‍ഡിഎഫ് നേതാക്കള്‍ ഇന്നലെ ആരോപിച്ചത്. ഉന്നത നേതൃത്വത്തിന് ഇതില്‍ പങ്കുണ്ടെന്നും അവര്‍ ആരോപിച്ചിരുന്നു. നിലവില്‍ ഇതുവരെ ഇവര്‍ മദ്യപിച്ചുവെന്ന് കണ്ടെത്താന്‍ സാധിച്ചിട്ടില്ല. പ്രതികള്‍ ഇപ്പോഴും ആശുപത്രിയില്‍ തന്നെ തുടരുകയാണ്.
