കോട്ടയം ന​ഗരത്തിൽ എസ്.എച്ച് മൗണ്ടിലെ ഇലക്ട്രിക്ക് കടയിലും ബാറ്ററിക്കടയിലുമടക്കം 12 കടകളിൽ മോഷണം; ഷട്ടറുകൾ തകർത്ത് അകത്ത് കയറിയ കള്ളൻ പണവും സാധനങ്ങളും അടിച്ചുമാറ്റി

സ്വന്തം ലേഖകൻ

കോട്ടയം: കോട്ടയം എസ്.എച്ച് മൗണ്ടിലെ ഇലക്ട്രിക്ക് കടയിലും ബാറ്ററിക്കടയിലുമടക്കം 12 കടകളിൽ ഇന്നലെ രാത്രി മോഷണം നടന്നു.

ഇന്ന് രാവിലെ കടയുടമകൾ കട തുറക്കാൻ എത്തിയപ്പോഴാണ് മോഷണ വിവരം അറിഞ്ഞത്. തുടർന്ന്, ഇവർ ​വിവരം ​ഗാന്ധിന​ഗർ പൊലീസിൽ അറിയിക്കുകയായിരുന്നു. പൊലീസ് സ്ഥലത്തെത്തി അന്വേഷണം ആരംഭിച്ചു.

കോട്ടയം എസ്.എച്ച് മൗണ്ടിൽ പ്രവർത്തിക്കുന്ന ഇന്ത്യൻ കോഫി ഹൗസിന് എതിർവശത്തുള്ള ഷോപ്പിംങ് കോംപ്ലക്‌സിലെ കടകളിലാണ് മോഷണം നടന്നത്.

പല കടകളുടെയും ഷട്ടറുകൾ തകർത്ത് അകത്ത് കയറിയ മോഷ്ടാക്കൾ പണവും സാധനങ്ങളും അപഹരിക്കുകയായിരുന്നു.